നിപ: വാര്‍ത്ത ഭയമല്ല, ജാഗ്രതയാണ് വര്‍ധിപ്പിക്കേണ്ടത്: മമ്മൂട്ടി

കേരളക്കരയെ ഞെട്ടിച്ച നിപ വൈറസ് ബാധ വീണ്ടും സംസ്ഥാനത്ത് സ്ഥിരീകരിച്ചതിന് പിന്നാലെ അവബോധക്കുറിപ്പുകളുമായി താരങ്ങൾ രംഗത്ത്. നിപ സ്ഥിരീകരിച്ചു എന്ന വാര്‍ത്ത ഭയമല്ല ജാഗ്രതയാണ് വര്‍ധിപ്പിക്കേണ്ടത് എന്ന് നടൻ മമ്മൂട്ടി ഫേസ്ബുക്കിൽ കുറിച്ചു. കൂട്ടായ്മയാണ് ഉണര്‍ത്തേണ്ടതെന്നും ഇതിലും എത്രയോ വലിയ ഭീതികളെ മറികടന്നവരാണ് നമ്മളെന്നും താരം ഓര്‍മ്മിപ്പിച്ചു. ചെറുത്തു തോല്‍പ്പിച്ചവരാണ് നാം. ഒന്നിച്ചു നില്‍ക്കാം, നിപ്പയെ കീഴടക്കാം. നിപ: ഭീതി വേണ്ട, ജാഗ്രത മതി! എല്ലാവര്‍ക്കും കൂട്ടായ്മയുടെ പെരുന്നാള്‍ ആശംസകള്‍! മമ്മൂട്ടി കുറിച്ചു.അതിനിടെ ടൊവിനോയും തൻ്റെ ഇൻസ്റ്റാഗ്രാം പേജിലൂടെ ബോധവത്കരണ കുറിപ്പ് പങ്കുവെച്ചു. നിപ്പ വൈറസിൻ്റെ ഒരു കേസ് നമ്മുടെ സംസ്ഥാനത്ത് സ്ഥിരീകരിച്ചിരിക്കുന്നതിനാൽ, ഇപ്പോൾ ചെയ്യേണ്ട ഏറ്റവും സുപ്രധാനമായ കാര്യം പരിഭ്രാന്തരാകാതെ ശരിയായ വിവരങ്ങൾ മാത്രം ശേഖരിക്കുക എന്നുളതാണ്. ഈ സമയത്ത് വ്യാജ സന്ദേശങ്ങൾ പ്രചരിപ്പികരുതെന്ന് അഭ്യർത്ഥിക്കുന്നു. ഈ വൈറസിനെ ഏറ്റവും കാര്യക്ഷമമായ രീതിയിൽ നിയന്ത്രിക്കുന്നതിനുള്ള അനുഭവം നമുക്കുണ്ട്.


ദയവായി ഈ കാര്യങ്ങൾ ശ്രദ്ധിക്കുക: തിരക്കുള്ള പ്രദേശങ്ങളിൽ യാത്ര ചെയ്യുമ്പോൾ ശ്രദ്ധാപൂർവ്വം മാസ്കുകൾ ഉപയോഗിക്കുക. ലിസ്റ്റുചെയ്ത ഏതെങ്കിലും ലക്ഷണങ്ങൾ നിങ്ങൾക്ക് ഉണ്ടെങ്കിൽ ആശുപത്രിയിൽ പോയി പരിശോധിക്കുക. പതിവായി നിങ്ങളുടെ കൈകൾ വൃത്തിയാക്കുക. പക്ഷികൾ കടിച്ച പഴങ്ങൾ ഭക്ഷിക്കരുത്. ടൊവിനോയും രജിഷ വിജയനും കുറിച്ചു.



മമ്മൂട്ടിയുടെ കുറിപ്പിൻ്റെ പൂര്‍ണ രൂപം കാണാം

നിപ സ്ഥിരീകരിച്ചു എന്ന വാര്‍ത്ത ഭയമല്ല ജാഗ്രതയാണ് വര്‍ധിപ്പിക്കേണ്ടത്. കൂട്ടായ്മയാണ് ഉണര്‍ത്തേണ്ടത്. ഇതിലും എത്രയോ വലിയ ഭീതികളെ മറികടന്നവരാണ് നാം. ചെറുത്തു തോല്‍പ്പിച്ചവരാണ് നാം. ഒന്നിച്ചു നില്‍ക്കാം, നിപ്പയെ കീഴടക്കാം. നിപ: ഭീതി വേണ്ട, ജാഗ്രത മതി! എല്ലാവര്‍ക്കും കൂട്ടായ്മയുടെ പെരുന്നാള്‍ ആശംസകള്‍!