ദംഗല്‍ പാകിസ്‍താനില്‍ റിലീസ് ചെയ്യില്ല: ആമിര്‍ ഖാന്‍

മുംബൈ: ബോളിവുഡില്‍ ഹിറ്റ് ആ ദംഗല്‍ പാരിസ്‍താനില്‍ പ്രദര്‍ശിപ്പിക്കില്ലെന്ന് നടന്‍ ആമിര്‍ ഖാന്‍. ഇരു രാജ്യങ്ങളും തമ്മിലുള്ള പ്രശ്‍നങ്ങളെത്തുടര്‍ന്ന് ബോളിവുഡ് സിനിമകള്‍ക്ക് പാകിസ‍്‍താനിലുണ്ടായിരുന്ന വിലക്ക് നീങ്ങിയതിനു ശേഷമാണ് ചിത്രം പ്രദര്‍ശിപ്പിക്കേണ്ടെന്ന് തീരുമാനമെടുത്തത്.

ഇന്ത്യയുടെ ദേശീയ പതാകയും ദേശീയ ഗാനവും കാണിക്കുന്ന രണ്ട് സീനുകള്‍ വെട്ടിമാറ്റണം എന്ന് പാകിസ്‍താനി സെന്‍ട്രല്‍ ബോര്‍ഡ് ഓഫ് ഫിലിം സെന്‍സര്‍ ആവശ്യപ്പെട്ടതിനെത്തുടര്‍ന്നാണ് ആമിറിന്‍റെ തീരുമാനം. ചിത്രത്തിന്‍റെ സഹനിര്‍മാതാവുകൂടിയാണ് ആമിര്‍.

ചിത്രം പ്രദര്‍ശിപ്പിക്കാന്‍ പാകിസ്‍താന് വളരെ താല്‍പര്യമുണ്ടായിരുന്നെന്നും പല വിതരണക്കാരും തങ്ങളുമായി ബന്ധപ്പെട്ടിരുന്നെന്നും ആമിര്‍ ഖാന്‍റെ വക്താവ് പറഞ്ഞു. എന്നാല്‍ സെന്‍സര്‍ ബോര്‍ഡ് രണ്ട് സീനുകള്‍ വെട്ടിമാറ്റണം എന്ന് ആവശ്യപ്പെട്ടതോടെ ചിത്രം പാകിസ്‍താനില്‍ റിലീസ് ചെയ്യേണ്ടെന്ന് ആമിര്‍ തീരുമാനിക്കുകയായിരുന്നു.

No Dangal in Pakistan as it wants flag scene cut

Aamir Khan decided against releasing the film in Pakistan