Odiyan Movie: 'ഒടിയൻ്റെ' റിലീസ് ദിവസം തന്നെ വ്യാജ എച്ച്ഡി പ്രിൻ്റ് ഇൻ്റര്‍നെറ്റിൽ

മോഹന്‍ലാലിന്റെ ബിഗ് ബജറ്റ് ചിത്രം 'ഒടിയന്‍' റിലീസ് ചെയ്ത് മണിക്കൂറുകള്‍ക്കകം ഇൻ്റര്‍നെറ്റിലെത്തി. ചിത്രത്തിൻ്റെ വ്യാജ എച്ച്ഡി പതിപ്പാണ് ഇൻ്റര്‍നെറ്റിലൂടെ പുറത്തു വന്നിട്ടുള്ളത്. തമിഴ് എംവി എന്ന വെബ്സൈറ്റിലൂടെയാണ് ചിത്രം പുറത്തു വിട്ടിരിക്കുന്നത്. മൂന്നു മണിയോടെയാണ് ചിത്രം ഇൻ്റര്‍നെറ്റില്‍ പ്രത്യക്ഷപ്പെട്ടത്.

ഇന്ന് പുലര്‍ച്ചെ നാലരയ്ക്കായിരുന്നു ചിത്രത്തിൻ്റെ ആദ്യ ഷോ നടന്നത്. ബിജെപി നടത്തിയ സംസ്ഥാന വ്യാപക ഹര്‍ത്താൽ വക വെക്കാതെ മോഹന്‍ലാല്‍ ആരാധകരുടെ വൻ കൂട്ടം എല്ലാ തീയേറ്ററുകളുടെയും മുന്നിൽ ഉറങ്ങാതെ കാത്തിരിക്കുകയായിരുന്നു.

ഹ‍ർത്താലിനിടയിലും നിരവധി ഫാൻസ് ഷോകളാണ് സംസ്ഥാനത്ത് ഉടനീളം നടന്നത്. കട്ടൗട്ടില്‍ പാലഭിഷേകം നടത്തിയും, വാദ്യഘോഷങ്ങളോടെയുമാണ് ആരാധക‍ർ താരരാജാവിൻ്റെ ചിത്രത്തെ വരവേറ്റത്. വെളുപ്പിനുള്ള പ്രദ‍ർശനത്തിന് നിരവധി താരങ്ങളും എത്തിയിരുന്നു. സംവിധായകൻ ശ്രീകുമാര്‍ മേനോൻ ഒടിയൻ ജാക്കറ്റ് ധരിച്ചാണ് എത്തിയത്.

Read More: ഒടിയൻ റിവ്യൂ വായിക്കാം

മോഹൻലാലിൻ്റെ ഭാര്യ സുചിത്ര മോഹൻലാൽ, നീരജ് മാധവ്, ഫ‍ർഹാൻ ഫാസിൽ കൈലാഷ്, ഉണ്ണി മുകുന്ദന്‍ തീവണ്ടി നായിക സംയുക്ത മേനോന്‍ എന്നിവരും ആദ്യ ഷോ കാണാനെത്തി. എറണാകുളം കവിത തീയറ്ററിലാണ് മോഹന്‍ലാലിന്‍റെ ഭാര്യ സുചിത്രയെത്തിയത്. ഒടിയന്‍റെ നിര്‍മാതാവ് ആന്‍റണി പെരുമ്പാവൂരിൻ്റെ കുടുംബത്തിന് ഒപ്പമാണ് സുചിത്ര തീയേറ്ററിലെത്തിയത്.