കൊവിഡ് കാലഘട്ടത്തെ അടയാളപ്പെടുത്തി 'ഒരു കൊറോണക്കാലത്ത്'

കൊവി‍ഡ് കാലത്തിലെ അനുഭവങ്ങളുടെ നേര്‍സാക്ഷ്യമായി ഒരു ഹ്രസ്വചിത്രം. ''ഒരു കൊറോണക്കാലത്ത്'' എന്നുള്ള ചിത്രം നടനും സംവിധായകനും നിര്‍മ്മാതാവുമായ ഗിന്നസ് പക്രുവിന്‍റെ ഫേസ്ബുക്ക് പേജിലൂടെ റിലീസായി. പ്ലാനറ്റ് പ്രൊഡക്ഷന്‍സിന്‍റെ ബാനറില്‍ ഫാരിസ്, ആബിദ് എന്നിവര്‍ നിര്‍മ്മാണവും റഫീഖ് പട്ടേരി ഛായാഗ്രഹണവും നൈഷാബ് ആമയം രചനയും സംവിധാനവും നിര്‍വ്വഹിച്ചിരിക്കുന്നതാണിത്.

Also Read: എന്തൊരു ബാലൻസ്, എന്തൊരു ടൈമിങ്; വൈറലായി അശ്വിന്‍റെ ട്രെഡ് മിൽ ഡാൻസ്

മനുഷ്യന്‍ ഇപ്പോള്‍ കടന്നുപോകുന്ന ഒരു കാലഘട്ടത്തെയാണിതിൽ ആവിഷ്കരിച്ചിരിക്കുന്നത്. ഒരച്ഛന്‍റെയും മകളുടെയും ജീവിത മുഹൂര്‍ത്തങ്ങളിലൂടെയാണീ ചിത്രം കഥ പറയുന്നത്. ലോകം വിശാലമായപ്പോള്‍, നാം ആഘോഷങ്ങളിലൂടെ ജീവിതത്തെ നിറംപിടിപ്പിച്ചു. എന്നാല്‍ നമുക്കിടയില്‍, ഇന്ന് ആ നിറങ്ങളെല്ലാം നഷ്ടപ്പെട്ടിരിക്കുന്നു. നാളെയുടെ വിശപ്പിലേക്ക് അന്നം തേടുന്ന ശരാശരി മനുഷ്യനായി നാം മാറി. എന്നാല്‍ അതുപോലുമില്ലാതെയും ചിലര്‍ നമുക്കിടയിലുണ്ടെന്ന ഓര്‍മ്മപ്പെടുത്തല്‍ കൂടിയാണീ ചിത്രം.

Also Read: 'ബാഹുബലി'യെ കൊണ്ട് 'കിസ് മീ' പാടിപ്പിച്ച് ട്രംപിനെക്കൊണ്ട് മാപ്പിളപ്പാട്ട് പാടിപ്പിച്ച അജ്മല്‍

ഇന്‍ഷ, ജാഫര്‍ എന്നിവരാണ് അഭിനേതാക്കള്‍. ബാനര്‍ പ്ലാനറ്റ് പ്രൊഡക്ഷന്‍സ്, രചന, സംവിധാനം നൈഷാബ് ആമയം, നിര്‍മ്മാണം ഫാരിസ്, ആബിദ്, ഛായാഗ്രഹണം റഫീഖ് പട്ടേരി, എഡിറ്റിംഗ് വിപിന്‍ വിസ്മയ, പ്രൊ: കട്രോളര്‍ കാസിം ആമയം, ഡിസൈന്‍ ജംഷീര്‍ യെല്ലോക്യാറ്റ്‌സ്, റിക്കോര്‍ഡിംഗ് ഫിറോസ് നാകൊല, പിആര്‍ഒ അജയ് തുണ്ടത്തിൽ എന്നിവരാണ്.