വിജയ് സേതുപതി ചിത്രം ‘നല്ല നാള്‍ പാത്ത് സൊല്ലറേന്‍’: ടീസർ

വിജയ് സേതുപതി നായകനാകുന്ന പുതിയ ചിത്രം ‘നല്ല നാള്‍ പാത്ത് സൊല്ലറേന്‍’ൻ്റെ ടീസര്‍ പുറത്ത് വിട്ടു. വേറിട്ട ഗെറ്റപ്പുകളിലാണ് വിജയ് സേതുപതി ചിത്രത്തിലെത്തുന്നത്. ഒരു ബാലെ ടീമിന്‍റെ പശ്ചാത്തലത്തിലാണ് കഥ പുരോഗമിക്കുന്നത്. കടൽ എന്ന മണിരത്നം ചിത്രത്തിൽ നായകനായ ഗൗതം കാര്‍ത്തിയും ചിത്രത്തിൽ ഒരു പ്രധാന കഥാപാത്രത്തെ അവതരിപ്പിക്കുന്നു.

അഡ്വെഞ്ചര്‍ കോമഡി ഡ്രാമയായാണ് ചിത്രം ഒരുക്കുന്നത്. അറുമുഖ കുമാറാണ് ചിത്രം എഴുതി സംവിധാനം ചെയ്യുന്നത്.നീഹാരിക, ഗായത്രി, രമേശ് തിലക് എന്നിവരും ചിത്രത്തിലെ മുഖ്യ വേഷങ്ങൾ കൈകാര്യം ചെയ്തിരിക്കുന്നു. ജസ്റ്റിൻ പ്രഭാകരനാണ് ചിത്രത്തിലെ ഗാനങ്ങൾക്ക് സംഗീതം പകര്‍ന്നിരിക്കുന്നത്.




ഗംഭീര ചോദ്യമാണ് ടീസറിൽ ഉൾപ്പെടുത്തിയിട്ടുള്ളത്. സീതയെ രാവണന്‍ തട്ടികൊണ്ടു പോയി സുരക്ഷിതയായി പാര്‍പ്പിച്ചു. അവരുടെ ശരീരത്തില്‍ ഒന്നു തൊടുക പോലും ചെയ്തില്ല. എന്നിട്ട് നമ്മള്‍ രാവണനെ അസുരന്‍ എന്നാണ് വിശേഷിപ്പിക്കുന്നത്. പക്ഷേ രാമനെത്തി സീതയെ രക്ഷിച്ചുകൊണ്ട് പോയങ്കിലും സംശയത്തിന്‍റെ പേരില്‍ അവരെ ഉപേക്ഷിച്ചു, എന്നിട്ട് രാമനെ നാം ദൈവം എന്ന് വിളിക്കുകയും ചെയ്തു. സത്യത്തിൽ ഇവരിൽ ആരാണ് നല്ലവന്‍ രാമനോ രാവണനോ ’ എന്ന ചോദ്യമുന്നയിച്ചുകൊണ്ടാണ് ട്രെയിലര്‍ എത്തിയിരിക്കുന്നത്. അടുത്ത വര്‍ഷം ജനുവരിയിലാണ് ചിത്രം റിലീസ് ചെയ്യുന്നത്.