'ഒരു വടക്കന്‍ സെല്‍ഫി' തെലുങ്കിലേക്ക്: നായിക അമലാ പോൾ

'ഒരു വടക്കന്‍ സെല്‍ഫി' തെലുങ്കിലേക്ക് മൊഴി മാറ്റുന്നു. വിനീത് ശ്രീനിവാസന്‍റെ തിരക്കഥയില്‍ നവാഗതനായ ജി പ്രജിത്ത് സംവിധാനം ചെയ്ത ചിത്രം തീയറ്ററില്‍ വന്‍ വിജയമായിരുന്നു. നിവിന്‍ പോളി, മഞ്ജിമ മോഹന്‍ എന്നിവരാണ് മലയാളത്തില്‍ പ്രധാന കാഥാപാത്രങ്ങളെ അവതരിപ്പിച്ചിരുന്നത്. വടക്കന്‍ സെല്‍ഫി തെലുങ്കിലേക്ക് മൊഴി മാറ്റുമ്പോള്‍ മലയാളി താരം അമല പോളാണ് നായികയാകുന്നത്. തെലുങ്ക് താരം അനീഷ് കൃഷ്ണയാണ് നായക കഥാപാത്രത്തെ അവതരിപ്പിക്കുക.

വിവാഹ മോചനത്തിന് ശേഷം അമല പോളിന് തമിഴില്‍ അവസരങ്ങള്‍ കുറയുന്നതായി റിപ്പോര്‍ട്ടുണ്ടായിരുന്നു. ഇതോടെയാണ് താരം തെലുങ്കില്‍ ശ്രദ്ധ കേന്ദ്രീകരിച്ചു തുടങ്ങിയത്. 'ബജവാഡ', 'ലവ് ഫെയിലിയര്‍', 'നായക്' തുടങ്ങിയ ചിത്രങ്ങള്‍ക്ക് ശേഷം 'ജണ്ഡ പൈ കപിരജു' എന്ന ചിത്രത്തിലാണ് താരം അവസാനമായി അഭിനയിച്ചത്. 'വാട ചെന്നൈ', 'തിരുട്ടു പയല് 2' എന്നീ തമിഴ് ചിത്രങ്ങളും അമലയുടേതായി തിയേറ്ററിലെത്താനുണ്ട്.

Oru Vadakkan Selfie ready for Telugu remake