566 ദിവസങ്ങള്ക്ക് ശേഷം നടൻ ദുല്ഖര് സല്മാന് മലയാളത്തിലേക്ക് മടങ്ങിയെത്തുന്ന ചിത്രം ''ഒരു യമണ്ടന് പ്രേമകഥ'' നാളെ തിയറ്ററുകളിലെത്തുകയാണ്. ചിത്രമിറങ്ങും മുമ്പ് പുതിയ ടീസര് പുറത്തിറക്കിയിരിക്കുകയാണ് അണിയറപ്രവര്ത്തകര്. ദുല്ഖര് സൽമാൻ തന്റെ ഒഫീഷ്യല് ഫേസ്ബുക്ക് പേജിലൂടെയാണ് ടീസര് പുറത്തുവിട്ടിരിക്കുന്നത്. സംഗീത സംവിധായകന് ജോണ്സന് മാഷിനുള്ള സമര്പ്പണമെന്ന നിലയിലാണ് ടീസര് സോഷ്യൽമീഡിയയിൽ വൈറലായിരിക്കുന്നത്. ജോണ്സന് മാഷിന്റെ മനോഹരഗാനമായ ''അനുരാഗിണി ഇതാ നിൻ'' എന്ന ഗാനം പശ്ചാത്തലമാക്കിയുള്ളതാണ് ടീസര്. മഴ, ചായ, ജോൺസൺ മാഷ്...ഹാ...അന്തസ്സ്... എന്ന് മഴ നോക്കിനിന്ന് നായകൻ പറയുന്നതായാണ് ടീസര്.
''കാലമെത്രകഴിഞ്ഞാലും ജോൺസൻ മാസ്റ്റർ നമുക്ക് നൽകിയ മധുര ഗാനങ്ങളും പശ്ചാത്തല സംഗീതത്തിന്റെ വേറിട്ട അനുഭവങ്ങളും എന്നും മായാതെ മനസ്സിൽ നിലനിൽക്കും. ഈ ടീസർ ജോൺസൻ മാസ്റ്റർക്ക് സമർപ്പിക്കുന്നു''വെന്ന് പറഞ്ഞാണ് ദുൽഖര് ടീസര് പങ്കുവെച്ചിരിക്കുന്നത്.
നവാഗതനായ ബി സി നൗഫല് സംവിധാനം ചെയ്ത ചിത്രത്തിന്റെ രചന അമര് അക്ബര് അന്തോണി, കട്ടപ്പനയിലെ ഋത്വിക് റോഷന് എന്നീ ബ്ലോക്ക്ബസ്റ്ററുകള് സമ്മാനിച്ച വിഷ്ണു ഉണ്ണികൃഷ്ണന് ബിബിന് ജോര്ജ് ടീം ആണ്. സലിം കുമാര്, വിഷ്ണു ഉണ്ണികൃഷ്ണന്, സൗബിന് ഷാഹിര്, ധര്മ്മജൻ, സംയുക്ത മേനോന്, നിഖില വിമല് എന്നിവരാണ് ചിത്രത്തിലെ മറ്റുതാരങ്ങള്.
''കാലമെത്രകഴിഞ്ഞാലും ജോൺസൻ മാസ്റ്റർ നമുക്ക് നൽകിയ മധുര ഗാനങ്ങളും പശ്ചാത്തല സംഗീതത്തിന്റെ വേറിട്ട അനുഭവങ്ങളും എന്നും മായാതെ മനസ്സിൽ നിലനിൽക്കും. ഈ ടീസർ ജോൺസൻ മാസ്റ്റർക്ക് സമർപ്പിക്കുന്നു''വെന്ന് പറഞ്ഞാണ് ദുൽഖര് ടീസര് പങ്കുവെച്ചിരിക്കുന്നത്.
നവാഗതനായ ബി സി നൗഫല് സംവിധാനം ചെയ്ത ചിത്രത്തിന്റെ രചന അമര് അക്ബര് അന്തോണി, കട്ടപ്പനയിലെ ഋത്വിക് റോഷന് എന്നീ ബ്ലോക്ക്ബസ്റ്ററുകള് സമ്മാനിച്ച വിഷ്ണു ഉണ്ണികൃഷ്ണന് ബിബിന് ജോര്ജ് ടീം ആണ്. സലിം കുമാര്, വിഷ്ണു ഉണ്ണികൃഷ്ണന്, സൗബിന് ഷാഹിര്, ധര്മ്മജൻ, സംയുക്ത മേനോന്, നിഖില വിമല് എന്നിവരാണ് ചിത്രത്തിലെ മറ്റുതാരങ്ങള്.