Oscars 2023: മികച്ച ഡോക്യുമെന്ററി ഹ്രസ്വ ചിത്രം ഇന്ത്യയുടെ ദ എലിഫന്റ് വിസ്‌പേഴ്‌സിന്

തൊണ്ണൂറ്റിയഞ്ചാമത് ഓസ്‌കാര്‍ (Academy awards) പ്രഖ്യാപനത്തിന് കാതോര്‍ത്തിരിയ്ക്കുകയാണ് ലോകം മുഴുവന്‍. ഇന്ത്യയ്ക്കും പ്രതീക്ഷകള്‍ ഏറെയാണ്. ലോസ് ആഞ്ചല്‍സിലെ ഡോല്‍ബി തിയേറ്ററില്‍ വച്ച് നടക്കുന്ന പുരസ്‌കാര പ്രഖ്യാപനത്തില്‍ ഇന്ത്യയുടെ യശസ്സ് ഉയര്‍ന്നു എന്ന സന്തോഷമാണ് ഈ നിമിഷങ്ങളില്‍ പുറത്ത് വരുന്നത്. ദ എലിഫന്റ് വിസ്‌പേഴ്‌സ് എന്ന് എന്ന ഹ്രസ്വ ചിത്രത്തിന് മികച്ച ഡോക്യുമെന്ററി ഹ്രസ്വ ചിത്രത്തിനുള്ള പുരസ്‌കാരം.

രണ്ട് പ്രായമായ ദമ്പതികളുടെയും അനാഥനായ ഒരു ആനയുടെയും കഥ പറയുന്ന ഡോക്യുമെന്ററി ഹ്രസ്വ ചിത്രം സംവിധാനം ചെയ്ത്ത കാര്‍തികി ഗോണ്‍സല്‍വസ് ആണ്. ഇദ്ദേഹത്തിന്റെ ആദ്യ സംവിധാന സംരംഭമാണ് എലിഫന്റ് വിസ്‌പേഴ്‌സ്. നെറ്റ്ഫ്‌ളിക്‌സിലൂടെയാണ് സിനിമ റിലീസ് ചെയ്തിരുന്നത്.

ഇത്തവണത്തെ ഓസ്‌കാറിള്‍ മൂന്ന് സിനിമകളാണ് ഇന്ത്യ പ്രതീക്ഷയോടെ നോക്കി കാണുന്നത്. എലിഫന്റ് വിസ്‌പേഴ്‌സിന് പുറമെ ആര്‍ ആര്‍ ആര്‍, ഓള്‍ ദാറ്റ് ബ്രീതേഴ്‌സ് എന്നീ സിനിമകളിലും പ്രതീക്ഷയുണ്ട്. ആര്‍ ആര്‍ ആര്‍ ലെ നാട്ട് നാട്ട് എന്ന പാട്ട് പാടിയ രാഹുലും കാലഭൈരവയും ഇത്തവണത്തെ ഓസ്‌കാറില്‍ പെര്‍ഫോം ചെയ്യുന്നു എന്നതും സന്തോഷമുള്ള വാര്‍ത്തയാണ്.