Also Read: 'ടീച്ചര്‍, ഈ അവാര്‍ഡ് പ്രഖ്യാപിക്കാന്‍ പോലും ഞാന്‍ അര്‍ഹനല്ല'; കെകെ ശൈലജയെ വോഗ് ലീഡർ ഓഫ് ദ ഇയറായി പ്രഖ്യാപിച്ച് ദുൽഖർ
നെറ്റ്ഫ്ലിക്സ് വാങ്ങിയത് വന്‍തുകയ്ക്ക്
2021 ല്‍ മാസ്റ്റര്‍ തീയേറ്ററില്‍ റിലീസ് ചെയ്യുമെന്ന പ്രതീക്ഷയിലായിരുന്നു ആരാധകര്‍. ഇതിനിടെയാണ് നെറ്റ്ഫ്ലിക്സ് ഡിജിറ്റല്‍ അവകാശം സ്വന്തമാക്കിയെന്ന വാര്‍ത്ത എത്തുന്നത്. വന്‍തുകയ്ക്കാണ് നെറ്റ്ഫ്ലിക്സ് അവകാശം സ്വന്തമാക്കിയതെന്ന് ഇന്ത്യ ടുഡെ റിപ്പോര്‍ട്ട് ചെയ്യുന്നു. ഒരു തമിഴ് ചിത്രത്തിന് ലഭിക്കുന്ന ഏറ്റവും ഉയര്‍ന്ന തുകയാണിതെന്നും റിപ്പോര്‍ട്ടുകളുണ്ട്.
റിലീസിനെ ചൊല്ലി ആശങ്ക
നേരത്തെ ചിത്രം തീയേറ്ററില്‍ മാത്രമായിരിക്കും റിലീസ് ചെയ്യുക എന്ന ചിത്രത്തിന്റെ സംവിധായകന്‍ ലോകേഷ് കനഗരാജ് പറഞ്ഞിരുന്നു. എന്നാല്‍ പുതിയ സാഹചര്യത്തില്‍ ചിത്രം തീയേറ്ററിലാണോ ആദ്യമെത്തുക അതോ നേരിട്ട് ഒടിടിയില്‍ റിലീസ് ചെയ്യുമോ എന്ന കാര്യത്തില്‍ സ്ഥിരീകരണങ്ങളൊന്നും ലഭ്യമായിട്ടില്ല.
പൊങ്കല്‍ റിലീസ്
അതേസമയം മാസ്റ്റര്‍ 2021 ല്‍ പൊങ്കല്‍ റിലീസ് ആയി തീയേറ്ററുകളിലെത്തും അതിന് ശേഷം മാത്രമേ ഒടിടി റിലീസ് ഉണ്ടാവുകയുള്ളൂവെന്നും ചില റിപ്പോര്‍ട്ടുകളുണ്ട്. നേരത്തെ ചിത്രത്തിന്റെ ടീസര്‍ പുറത്ത് വിട്ടിരുന്നു. യൂട്യൂബ് റെക്കോര്‍ഡുകള്‍ തകര്‍ത്ത് മുന്നേറുകയാണ് ടീസര്‍. ലക്ഷക്കണക്കിന് ആളുകളാണ് ഇതിനോടകം വീഡിയോ കണ്ടത്.
Also Read: 'നടനാകാൻ കാരണം അച്ഛനാണ്'; വികാരഭരിതനായി ബാലയുടെ കുറിപ്പ്
കാത്തിരിപ്പ് തുടരുന്നു
സേവ്യര്‍ ബ്രിട്ടോയാണ് ചിത്രം നിര്‍മ്മിക്കുന്നത്. വിജയ്, വിജയ് സേതുപതി, മാളവിക മോഹനന്‍, ആന്‍ഡ്രിയ ജെറമിയ, ശാന്തനു ഭാഗ്യരാജ്, അര്‍ജുന്‍ ദാസ് തുടങ്ങിയവരാണ് പ്രധാന വേഷങ്ങളിലെത്തുന്നത്. അതേസമയം വിജയ് തന്റെ 65-ാം സിനിമയുടെ പ്രീ പ്രൊഡക്ഷന്‍ ജോലികളിലേക്ക് തിരിഞ്ഞു കഴിഞ്ഞു.