ഏഴ് വര്‍ഷത്തിന് ശേഷം നൃത്തമവതരിപ്പിക്കാൻ പത്മപ്രിയ

നടി പത്മപ്രിയയെ മറന്നോ. സിനിമയിൽ സജീവമല്ലാത്ത നടികളുടെ കൂട്ടത്തിലേക്ക് പത്മപ്രിയയും പോയോ എന്നു കരുതിയെങ്കിൽ തെറ്റി. ഡാന്‍സ് ഫെസ്റ്റിവലിന്റെ ഭാഗമായി കേരളത്തിലെ വിവിധ വേദികളിലായി പത്മപ്രിയയും സംഘവും ഭരതനാട്യം അവതരിപ്പിക്കാനുള്ള തയ്യാറെടുപ്പിലാണ്. നല്ലൊരു ക്ലാസിക്കല്‍ ഡാന്‍സര്‍ കൂടിയാണ് താരം. ഏഴ് വര്‍ഷത്തിന് ശേഷമാണ് വീണ്ടും ഭരതനാട്യം അവതരിപ്പിക്കുന്നത്. വ്യത്യസ്ത തരം ആളുകള്‍ക്ക് മുന്നില്‍ ഈ കലാരൂപം അവതരിപ്പിക്കാന്‍ കഴിയുന്നതിന്റെ ത്രില്ലിലാണ് താനെന്നും പത്മപ്രിയ പറയുന്നു.

"പഠിത്തവും സിനിമ അഭിനയവും എല്ലാം കൂടി തിരക്കായപ്പോള്‍ നൃത്തം പിന്നോട്ട് പോയി. എങ്കിലും നൃത്തത്തെ എപ്പോഴും മിസ് ചെയ്തിരുന്നു. കഴിഞ്ഞ വര്‍ഷം യു.എസില്‍ നിന്നും ദല്‍ഹിയിലേക്ക് തിരിച്ചുവരും വഴി തന്റെ എട്ടാം തരത്തില്‍ ഡാന്‍സ് പഠിപ്പിച്ച ടീച്ചറെ കണ്ടു. ടീച്ചറുമായി ഏറെ നേരം നൃത്തത്തെ കുറിച്ച് സംസാരിച്ചു. അതിന് ശേഷം ടീച്ചറുടെ അടുത്തുപോയി ഡാന്‍സ് വീണ്ടും പഠിക്കാന്‍ തുടങ്ങി". അങ്ങനെയാണ് നൃത്തത്തില്‍ വീണ്ടും സജീവമാകാന്‍ തുടങ്ങിയതെന്നും പത്മപ്രിയ പറയുന്നു.