വ്യത്യസ്തമായി 'പറവ'യുടെ കാസ്റ്റിംഗ് കോൾ വീഡിയോ

സൗബിൻ ഷാഹിർ സംവിധായകനായെത്തുന്ന 'പറവ' എന്ന ചിത്രത്തിനായി പുതുമുഖങ്ങളെ തേടുന്ന വീഡിയോ ശ്രദ്ധേയമാകുന്നു. 18-26നും ഇടയിൽ പ്രായമുള്ള ആൺ, പെൺ അഭിനേതാക്കളെയാണ് സിനിമയ്ക്കാവശ്യം. അടുത്തകാലത്ത് ഇറങ്ങിയ സിനിമകളിലെല്ലാം വിജയഘടകമായി മാറിയ സൗബിന്‍ സംവിധായകനാകുന്ന വാ‍ർത്ത ഇതിനകം മാധ്യമങ്ങൾ ഏറ്റെടുത്തുകഴിഞ്ഞു.
ചിത്രത്തിന്റെ കഥയും സൗബിന്‍ എഴുതിയിരിക്കുന്നത്. സൗബിനൊപ്പം മുനീര്‍ അലി, നിസാം ബഷീര്‍ എന്നിവര്‍ ചേര്‍ന്നാണ് തിരക്കഥ തയ്യാറാക്കുന്നത്. ചിത്രത്തിലെ പ്രധാന കഥാപാത്രങ്ങളെ അവതരിപ്പിക്കുന്നത് പുതുമുഖങ്ങളാണ്. അന്‍വര്‍ റഷീദ് എന്റര്‍ടെയ്ന്‍മെന്റ് ആണ് ചിത്രം നിര്‍മ്മിക്കുന്നത്.