വടിവേലുവിന് നായികയായി പാര്‍വതി ഓമനക്കുട്ടന്‍

മിസ് വേൾഡ് മത്സരത്തിൽ റണ്ണറപ്പായി മലയാളികളുടെ അഭിമാനമായി മാറിയ പാര്‍വതി ഓമനക്കുട്ടൻ തമിഴ് നടൻ വടിവേലുവിന് നായികയായെത്തുന്നു. പിന്നീട് സിനിമകളിൽ മിന്നിമറഞ്ഞെങ്കിലും നായിക എന്ന നിലയിൽ പൂര്‍ണവിജയം നേടാനായിരുന്നില്ല. തമിഴിലെ സൂപ്പര്‍ഹിറ്റ് ചിത്രമായ ബില്ല2 ൽ അജിത്തിന്റെ നായികയായെത്തി പാര്‍വതി കോളിവുഡിലും അരങ്ങേറ്റം കുറിച്ചു. അതിനു ശേഷം പാര്‍വതി നായിക ആകുന്ന തമിഴ് ചിത്രത്തിൽ നായകനായി എത്തുന്നത് തമിഴ് സൂപ്പര്‍ കോമഡി താരമായ വടിവേലുവാണ്.



ചിമ്പു ദേവന്‍ സംവിധാനം ചെയ്യുന്ന ‘ഇംസയ് അരസന്‍ 24 എഎം പുലികേശി’ എന്ന സിനിമയിലാണ് ഇരുവരും ഒന്നിക്കുന്നത്. 2006 ല്‍ പുറത്തിറങ്ങിയ ‘ഇംസയ് അരസന്‍ 23മത് പുലികേശി’യുടെ രണ്ടാംഭാഗമാണ് ഈ ചിത്രം. ചിത്രത്തിന്‍റെ ആദ്യ പോസ്റ്റ‍ര്‍ അണിയറപ്രവര്‍ത്തകര്‍ പുറത്ത് വിട്ടു. വടിവേലുവിന്റെ രാജാവിന്‍റെ ഗെറ്റപ്പിലാണ് പോസ്റ്ററിലുള്ളത്. 18-ാം നൂറ്റാണ്ടിലെ സംഭവങ്ങളെ അസ്പദമാക്കിയാണ് ചിത്രം ഒരുക്കിയിരിക്കുന്നത്.




Parvathy Omanakuttan and Vadivelu uniting for Imsai Arasan 24am Pulikesi

Parvathy Omanakuttan of Billa 2 fame has been roped in as the female lead opposite Vadivelu in the second film in director Chimbudevan's Pulikesi franchise, which has been titled Imsai Arasan 24am Pulikesi.