'ഫൈസാ സൂഫിയ'യായി പാർവതി
സമകാലിക ഇന്ത്യന്‍ സമൂഹം നേരിടുന്ന രാഷ്ട്രീയ സാമൂഹ്യ പ്രശ്നങ്ങളാണ് സിനിമ ചര്‍ച്ച ചെയ്യുന്നത്. 'ഫൈസാ സൂഫിയ' എന്ന ഗവേഷക വിദ്യാര്‍ത്ഥിനിയുടെ കഥാപാത്രമാണ് പാര്‍വ്വതിയുടേത്. റോഷന്‍ മാത്യു, സിദ്ദിഖ് തുടങ്ങിയവരും ചിത്രത്തിലെ ശ്രദ്ദേയ കഥാപാത്രങ്ങളെ അവതരിപ്പിക്കുന്നുണ്ട്.
ആനുകാലിക വിഷയങ്ങൾ
ഇന്ത്യയിലെ സാമൂഹ്യ രാഷ്ട്രീയ പ്രശ്നങ്ങളെ ചിത്രം സജീവമായി ചര്‍ച്ച ചെയ്യുമ്പോള്‍ തന്നെ ഒരു കൊമേഴ്ഷ്യല്‍ ഫിലിമിന്‍റെ എല്ലാ ചേരുവകളും അടങ്ങിയതാണ് 'വര്‍ത്തമാനം' എന്ന് സംവിധായകന്‍ സിദ്ധാര്‍ത്ഥ് ശിവ പറയുന്നു.
Also Read: “എനിക്ക് എന്റെ അനുജനെ നഷ്ടമായി; അവൻ ഇപ്പോൾ ഇല്ല; രാജീവിന്റെ മരണവാർത്ത സ്ഥിരീകരിച്ച് സഹോദരൻ!
പുരസ്കാര ജേതാക്കൾ ഒന്നിക്കുന്നു
വലിയ താരനിര തന്നെ ചിത്രത്തില്‍ അണിനിരക്കുന്നുണ്ട്. ഡല്‍ഹി, ഉത്തരാഖണ്ഡ്, കേരളം എന്നിവിടങ്ങളിലായി രണ്ടു ഷെഡ്യൂളിലായാണ് 'വര്‍ത്തമാനം' ചിത്രീകരിച്ചത്. രണ്ടു പാട്ടുകള്‍ ചിത്രത്തിലുണ്ട്. സിദ്ധാര്‍ത്ഥ് ശിവ സംവിധാനം ചെയ്യുന്ന ഏഴാമത്തെ ചിത്രമാണ് വര്‍ത്തമാനം. ദേശീയ-സംസ്ഥാന ചലച്ചിത്ര പുരസ്കാര ജേതാക്കള്‍ ഒരുമിക്കുന്ന സിനിമയെന്ന പ്രത്യേകത കൂടി ഇതിനുണ്ട്.
ആര്യാടൻ ഷൌക്കത്ത് വീണ്ടും
സിനിമയുടെ ടീസറിന് വലിയ സ്വീകാര്യതയാണ് ലഭിച്ചത്. സമീപകാല മലയാള സിനിമകളിൽ ഏറെ പുതുമയുള്ളതായിരുന്നു വര്‍ത്തമാനത്തിന്‍റെ വിഷയമെന്നാണ് സൂചന. ഏറെ സാമൂഹ്യ പ്രസക്തിയുള്ള 'പാഠം ഒന്ന് ഒരു വിലാപം,' 'ദൈവനാമത്തില്‍', 'വിലാപങ്ങള്‍ക്കപ്പുറം' എന്നീ ചിത്രങ്ങള്‍ക്കു ശേഷം ആര്യാടന്‍ ഷൗക്കത്ത് കഥയും തിരക്കഥയും സംഭാഷണവും ഒരുക്കുന്ന സിനിമയാണ് 'വര്‍ത്തമാനം'.
ശ്രദ്ധിക്കപ്പെടുന്ന കഥാപാത്രം
പാര്‍വതി തിരുവോത്തിന്‍റെ വളരെ ശ്രദ്ധേയമായ കഥാപാത്രമാകും 'വര്‍ത്തമാന'ത്തിലെ ഫൈസാസൂഫിയ എന്ന് അണിയറപ്രവർ‍ത്തകര്‍ പറയുന്നു. ബാനര്‍ ബെന്‍സി പ്രൊഡക്ഷന്‍സ്, സംവിധാനം സിദ്ധാര്‍ത്ഥ് ശിവ, നിര്‍മ്മാണം ബെന്‍സി നാസര്‍, ആര്യാടന്‍ ഷൗക്കത്ത് എന്നിവരാണ്.
അണിയറയിൽ
കഥ-തിരക്കഥ-സംഭാഷണം ആര്യാടന്‍ ഷൗക്കത്ത്, ക്യാമറ അഴകപ്പന്‍, ഗാനരചന റഫീക് അഹമ്മദ്, വിശാല്‍ ജോണ്‍സണ്‍, പശ്ചാത്തല സംഗീതം ബിജിപാല്‍, പ്രൊഡക്ഷന്‍ കണ്‍ട്രോളര്‍ ഡിക്സന്‍ പൊടുത്താസ്, പി.ആര്‍.ഒ. പി.ആര്‍.സുമേരന്‍ (ബെന്‍സി പ്രൊഡക്ഷന്‍സ്) എന്നിവരാണ്.