'പശു' എന്ന ചിത്രത്തിന്റെ പോസ്റ്റർ പ്രകാശനം നടത്തിയത് കാള

'പശു' എന്ന പേരിലുള്ള പുതിയ ചിത്രം ഏറെ ശ്രദ്ധ നേടുകയാണ്. എം.ഡി സുകുമാരൻ സംവിധാനം നിർവ്വഹിക്കുന്ന ഈ പുതിയ ചിത്രം പേരിലെ പ്രത്യേകതകൊണ്ടും അവതരണത്തിലെ പുതുമകൊണ്ടും വരാനിരിക്കുന്ന പുത്തൻ സിനിമകളിൽ ഏറെ പ്രതീക്ഷ നൽകുന്നതുമാണ്. ഇപ്പോഴിതാ ചിത്രത്തിന്‍റെ പോസ്റ്റർ പ്രകാശനവും ഏറെ വ്യത്യസ്തമായിരിക്കുകയാണ്.

ചിത്രത്തിന്റെ പോസ്റ്റർ പ്രകാശനം നി‍ർവ്വഹിച്ചിരിക്കുന്നത് ഒരു ഉശിരൻ കാളയാണ്. കാശി എന്നുപേരുള്ള
കാളയെ ഇതിനായി കൊണ്ടുവരികയായിരുന്നു. സിനിമാലോകത്ത് കൗതുകകരമായ അപൂർവ്വം പോസ്റ്റർ പ്രകാശനങ്ങളിലൊന്നായിരിക്കുകയാണ് ഇത്. കലാസംവിധായകൻ കൈലാസും പരസ്യകലാകാരൻ സജീഷ് എം.ഡിസൈനും ചേ‍‍‍ർ‍ന്നാണ് പോസ്റ്റർ അനാവരണത്തിനായി കാളയെ എത്തിച്ചത്.

ഒക്ടോബറിലാണ് ചിത്രം തിയറ്ററുകളിലെത്തുന്നത്. പശു പ്രധാനകഥാപാത്രമാകുന്ന ചിത്രത്തിന്റെ പോസ്റ്റർ കാള പുറത്തിറക്കിയതോടെ റിലീസിന് മുന്നേ പ്രേക്ഷകരുടെ ഇടയിൽ ചർച്ചാവിഷയമായിരിക്കുകയാണ് ഈ ചിത്രം.

pasu poster launch

pasu poster launch by a bull.