ഡോ ബിജുവിന്‍റെ പേരറിയാത്തവര്‍ തിയറ്ററുകളിലേക്ക്

സുരാജ് വെഞ്ഞാറമ്മൂടിനെ കേന്ദ്ര കഥാപാത്രമാക്കി ഡോ ബിജു സംവിധാനം ചെയ്ത പേരറിയാത്തവര്‍ നീണ്ട കാത്തിരിപ്പിനു ശേഷം പ്രദര്‍ശനത്തിനെത്തുന്നു. ആഗസ്റ്റ് 19നാണ് ചിത്രം തിയറ്ററുകളിലെത്തുന്നത്. ഡോ ബിജു തന്‍റെ ഫേസ്ബുക്ക് പേജിലൂടെയാണ് ഈ വാര്‍ത്ത അറിയിച്ചത്.

നാഗരികതയില്‍ ചില മനുഷ്യരുടെ പേര് അറിയാതെയോ മനസിലാക്കപ്പെടാതെയോ പോകുന്നു എന്നതാണ് സിനിമയുടെ പ്രമേയം. ഈ സാഹചര്യങ്ങളില്‍ തന്‍റെ മകനെ വളര്‍ത്താന്‍ കഷ്ടപ്പെടുന്ന തൊഴിലാളിയെയാണ് സുരാജ് അവതരിപ്പിക്കുന്നത്. ദേശീയ - അന്തര്‍ദേശീയ പരാമര്‍ശങ്ങളും പുരസ്കാരങ്ങളും നേടിയ ചിത്രമാണെങ്കിലും സംസ്ഥാന ബഹുമതികള്‍ ഒന്നും ഇതിന് ലഭിച്ചിട്ടില്ലെന്നും ഡോ ബിജു പരാമര്‍ശിക്കുന്നു.