പോക്കിരി സൈമണിലെ 'പോക്കിരി ഗാനം' പുറത്ത് വിട്ടു

യുവ താരം സണ്ണി വെയിനിനെ നായകനാക്കി ജിജോ ആന്‍റണി സംവിധാനം ചെയ്യുന്ന 'പോക്കിരി സൈമണി'ലെ ആദ്യഗാനം പുറത്ത് വിട്ടു. തമിഴ് സൂപ്പര്‍ താരം ഇളയദളപതി വിജയ് ആരാധകനായാണ് സണ്ണി വെയ്ന്‍ ഈ ചിത്രത്തില്‍ അഭിനയിക്കുന്നത്. ഗോപി സുന്ദറിന്‍റെ ഈണത്തിൽ കാര്‍ത്തിക്ക് പാടിയ ഗാനമാണ് ഇപ്പോൾ പുറത്ത് വന്നിരിക്കുന്നത്. ഡാര്‍വിന്‍റെ പരിണാമം എന്ന ചിത്രത്തിലൂടെ ശ്രദ്ധേയനായ സംവിധായകനാണ് ജിജോ ആന്‍റണി. സൂപ്പര്‍ഹിറ്റായ മലയാള ചിത്രം 'അങ്കമാലി ഡയറീസി'ലൂടെ ശ്രദ്ധേയനായ അപ്പാനി രവിയെന്ന പ്രതിനായകനായി തിളങ്ങിയ ശരത്കുമാറും ചിത്രത്തിൽ ഒരു പ്രധാന കഥാപാത്രത്തെ അവതരിപ്പിക്കുന്നുണ്ട്. പ്രയാഗ മാര്‍ട്ടിനാണ് ചിത്രത്തിലെ നായിക.




ജേക്കബ് ഗ്രിഗറി, നെടുമുടി വേണു, ജാനകി, ബിറ്റോ ജേവിഡ് തുടങ്ങി നിരവധി താരങ്ങള്‍ ചിത്രത്തില്‍ അണിനിരക്കുന്നുണ്ട്. കെ അമ്പാടിയുടേതാണ് തിരക്കഥ. മിഥുൻ മാനുവൽ തോമസ് സംവിധാനം ചെയ്ത 'ആൻ മരിയ കലിപ്പിലാണ്', 'അലമാര' എന്നീ ചിത്രങ്ങൾക്കു ശേഷം സണ്ണി വെയ്ൻ നായകനാകുന്ന ചിത്രമാണ് ഇത്.

Pokkiri Song From Pokkiri Simon Malayalam Movie

Pokkiri Song is out From upcoming malayalam Movie Pokkiri Simon; starring Sunny Wayne and Prayaga Martin