നിര്മ്മാതാവും സംവിധായകൻ അൽഫോൺസ് പുത്രന്റെ ഭാര്യാപിതാവുമായ ആല്വിന് ആന്റണിയെ വീട്ടില് കയറി മര്ദ്ദിച്ചെന്ന പരാതിയില് സംവിധായകന് റോഷന് ആന്ഡ്രൂസിനെതിരേ പോലീസ് കേസ്. കൊച്ചി പനമ്പിള്ളി നഗറിലുള്ള ആൽവിന്റെ വീട്ടില് കയറി അക്രമം നടത്തിയെന്ന പരാതിയിലാണ് റോഷന് ആന്ഡ്രൂസിനും സുഹൃത്ത് നവാസിനുമെതിരെ എറണാകുളം ടൗണ് സൗത്ത് പോലീസ് കേസെടുത്തിരിക്കുന്നത്. വീട്ടിലെ സ്ത്രീകള്ക്കെതിരെയും കൈയ്യേറ്റമുണ്ടായെന്നും ജനൽ പാളികള്ക്ക് നാശനഷ്ടം വരുത്തിയെന്നും ആൽവിൻ പരാതിയിൽ പറഞ്ഞിട്ടുണ്ട്. എന്നാൽ റോഷന് ആന്ഡ്രൂസും സ്റ്റേഷനിൽ പരാതി നൽകിയിട്ടുണ്ട്. ഇതിന്റെ അടിസ്ഥാനത്തിൽ ആൽവിന് ആന്റണിക്കും സുഹൃത്ത് ബിനോയിക്കും എതിരെയും പോലീസ് കേസെടുത്തിട്ടുണ്ട്. തന്നെയും സുഹൃത്ത് നവാസിനെയും അക്രമിച്ചുവെന്ന റോഷന്റെ പരാതിയിലാണ് കേസ്.
വീട്ടിൽ വച്ച് ഇവര് തമ്മിലുള്ള സംഭാഷണത്തിനിടയിലാണ് തര്ക്കം ഉടലെടുത്തതെന്ന് പോലീസ് പറഞ്ഞു. ഇതോടെയാണ് പരസ്പരം മര്ദ്ദിക്കുന്ന സ്ഥിതിയിൽ വരെ കാര്യങ്ങളെത്തിയത്. ഇവര്ക്കിടയിലെ വ്യക്തിപരമായ പ്രശ്നമെന്തെന്ന് അറിയാനായിട്ടില്ല. ആല്വിന് ആന്റണിയുടെ മകന് റോഷന് ആന്ഡ്രൂസിനൊപ്പം സിനിമകളിൽ സഹസംവിധായകനായി പ്രവര്ത്തിക്കുന്നുമുണ്ട്. ഓം ശാന്തി ഓശാന, അമര് അക്ബര് അന്തോണി തുടങ്ങിയ ഹിറ്റ് ചിത്രങ്ങളുടെ നിര്മ്മാതാവാണ് ആൽവിൻ ആന്റണി. മാംഗല്യം തന്തുനാനേന എന്ന ചിത്രമാണ് അവസാനമായി നിര്മ്മിച്ചത്.
വീട്ടിൽ വച്ച് ഇവര് തമ്മിലുള്ള സംഭാഷണത്തിനിടയിലാണ് തര്ക്കം ഉടലെടുത്തതെന്ന് പോലീസ് പറഞ്ഞു. ഇതോടെയാണ് പരസ്പരം മര്ദ്ദിക്കുന്ന സ്ഥിതിയിൽ വരെ കാര്യങ്ങളെത്തിയത്. ഇവര്ക്കിടയിലെ വ്യക്തിപരമായ പ്രശ്നമെന്തെന്ന് അറിയാനായിട്ടില്ല. ആല്വിന് ആന്റണിയുടെ മകന് റോഷന് ആന്ഡ്രൂസിനൊപ്പം സിനിമകളിൽ സഹസംവിധായകനായി പ്രവര്ത്തിക്കുന്നുമുണ്ട്. ഓം ശാന്തി ഓശാന, അമര് അക്ബര് അന്തോണി തുടങ്ങിയ ഹിറ്റ് ചിത്രങ്ങളുടെ നിര്മ്മാതാവാണ് ആൽവിൻ ആന്റണി. മാംഗല്യം തന്തുനാനേന എന്ന ചിത്രമാണ് അവസാനമായി നിര്മ്മിച്ചത്.