കൊച്ചി: നടനും സംവിധായകനുമായ സൗബിന് ഷാഹിറിനെതിരെ എറണാകുളം സൗത്ത് പോലീസ് കേസെടുത്തു. കൊച്ചിയിൽ തേവര ഫെറി റോഡിലുള്ള ചാക്കോളാസ് ഫ്ളാറ്റിന് മുന്നിലെ പാര്ക്കിങ്ങിനെ ചൊല്ലിയുണ്ടായ തര്ക്കത്തിനിടെ സെക്യൂരിറ്റി ജീവനക്കാരനെ മര്ദ്ദിച്ചതിനാണ് കേസ്. രണ്ട് മാസം മുമ്പാണ് സംഭവം നടന്നത്. സെക്യൂരിറ്റി ജീവനക്കാരൻ നൽകിയ പരാതിയുടെ അടിസ്ഥാനത്തിലാണ് പോലീസ് കേസെടുത്തിരിക്കുനനത്. ഫ്ളാറ്റിന് മുന്നില് സൗബിന് കാര് പാര്ക്ക് ചെയ്യാന് ശ്രമിക്കുന്നതിനിടെ അതിന് അനുവദിക്കാതിരുന്ന സെക്യൂരിറ്റിക്ക് നേരെ വാക്കേറ്റവും കയ്യാങ്കളിയും നടക്കുകയായിരുന്നു.
സെക്യൂരിറ്റി ജീവനക്കാരന്റെ പരാതിയുടെ അടിസ്ഥാനത്തിൽ കേസെടുത്തതായും ചാര്ജ്ജ് ഷീറ്റ് ഫയല് ചെയ്തതായും മൊഴി രേഖപ്പെടുത്തി വിട്ടയച്ചതായും സൗത്ത് സ്റ്റേഷൻ സിഐ സിബി ടോം സമയം മലയാളത്തോട് പറഞ്ഞു.
സെക്യൂരിറ്റി ജീവനക്കാരന്റെ പരാതിയുടെ അടിസ്ഥാനത്തിൽ കേസെടുത്തതായും ചാര്ജ്ജ് ഷീറ്റ് ഫയല് ചെയ്തതായും മൊഴി രേഖപ്പെടുത്തി വിട്ടയച്ചതായും സൗത്ത് സ്റ്റേഷൻ സിഐ സിബി ടോം സമയം മലയാളത്തോട് പറഞ്ഞു.