ദുൽഖറിൻെറ സിനിമയുടെ സെറ്റിൽ നിന്ന് കാരവനുകൾ പിടിച്ചെടുത്തു

തൃശ്ശൂർ: ദുൽഖർ സൽമാൻ അഭിനയിക്കുന്ന ബോളിവുഡ് സിനിമയുടെ സെറ്റിൽ നിന്ന് നിയമവിരുദ്ധമായി വാടകയ്ക്ക് നൽകിയ രണ്ട് കാരവനുകൾ മോട്ടോർ വാഹനവകുപ്പ് പിടിച്ചെടുത്തു. ദുൽഖറും ഇർഫാൻ ഖാനും അഭിനയിക്കുന്ന ചിത്രത്തിനായി നിർമ്മാതാക്കൾ എത്തിച്ചതായിരുന്നു വാഹനങ്ങൾ. കൊരട്ടിയിൽ നിന്നാണ് വാഹനങ്ങൾ പിടിച്ചത്.

ഇരു വാഹനങ്ങൾക്കുമായി 33000 രൂപ നികുതിയും 8000 രൂപ പിഴയും ചുമത്തി.തൃശ്ശൂര്‍ മോട്ടോര്‍ വെഹിക്കിള്‍ ഇന്‍സ്പെക്ടര്‍മാരായ എ.എം. സിദ്ദിഖ്, ബിനോയ് വര്‍ഗീസ് എന്നിവരാണ് കാരവനുകൾ കസ്റ്റഡിയിലെടുത്തത്. പിഴ ഈടാക്കിയശേഷം വാഹനങ്ങൾ വിട്ടു കൊടുത്തു.

ഒരു കാരവൻ തമിഴ്നാട് രജിസ്ട്രേഷനിലും മറ്റൊന്ന് കേരള രജിസ്ട്രേഷനിലുമാണ്. സ്വകാര്യ വാഹനങ്ങൾ നിയമവിരുദ്ധമായി വാടകയ്ക്ക് നൽകിയതിനാലാണ് നടപടിയെന്ന് മോട്ടോർവാഹനവകുപ്പ് വ്യക്തമാക്കി.

Police seized caravan from Dulquer Salmaan's Bollywood movie set

Kerala motor vehicle department seized two Caravans from the location of Dulquer Salmaan's Bollywood movie.