'പൂമരം' തീയേറ്ററിലെത്താന്‍ ഇനിയും കാത്തിരിക്കണം

പൂമരത്തിന്‍റെ റിലീസ് വീണ്ടും മാറ്റിവെച്ചതായി നടന്‍ കാളിദാസ് ജയറാം. സാങ്കേതിക കാരണങ്ങളാലാണ് ചിത്രത്തിന്‍റെ റിലീസ് വീണ്ടും വൈകുന്നതെന്ന് ഫേസ്‍ബുക്ക് പോസ്റ്റിലൂടെ കാളിദാസ് അറിയിച്ചു.

Dear Friends
ചില ടെക്നിക്കൽ പ്രോബ്ലെംസ് കാരണം മാർച്ച് 9 ന് പൂമരം റിലീസ് എന്നുള്ളത് 'ചെറുതായിട്ട് ' ഒന്നു നീട്ടി എന്നുള്ളതാണ് ഒരു നഗ്ന സത്യം
[ വളരെ കുറച്ചു ദിവസങ്ങളുടെ വ്യത്യാസം മാത്രമേ ഉണ്ടാവൂ ]

🙏🙏🙏🙏🙏🙏🙏🙏🙏




എബ്രിഡ് ഷൈന്‍ സംവിധാനം നിര്‍വഹിക്കുന്ന ചിത്രമാണ് പൂമരം. കഴിഞ്ഞ ഫെബ്രുവരിയില്‍ സിനിമ റിലീസ് ആകുമെന്നായിരുന്നു ആദ്യം പുറത്തുവന്ന വാര്‍ത്ത. എന്നാല്‍ അകാരണമായി റിലീസ് നീണ്ടു.

പൂമരത്തിലെ റിലീസ് ചെയ്‍ത രണ്ടു പാട്ടുകളും യുവാക്കള്‍ക്കിടയില്‍ വലിയ ചലനമുണ്ടാക്കി. സിനിമ ഇറങ്ങും മുന്‍പെ കാളിദാസ് ജയറാമിന് നിരവധി ആരാധകരെയും ലഭിച്ചു.

മാര്‍ച്ച്‌ ഒമ്പതിന് ചിത്രം റിലീസ് ചെയ്യുമെന്നായിരുന്നു ഏറ്റവും അവസാനമായി അറിയിച്ചിരുന്നത്. പോസ്റ്ററുകളും പ്രത്യക്ഷപ്പെട്ടിരുന്നു. എന്നാല്‍ ആ തീയതിയും ഇപ്പോള്‍ മാറ്റി.