പ്രഭാസിന്‍റെ 'സാഹോ' ചോര്‍ത്തി തമിഴ് റോക്കേഴ്സ്; ചിത്രം ഇന്‍റര്‍നെറ്റിൽ

ബാഹുബലി സീരിസിന് ശേഷം പ്രഭാസ് നായകനായെത്തിയ സാഹോ എന്ന ബ്രഹ്മാണ്ഡ ചിത്രം തിയറ്ററുകളിലെത്തിയത് ഇന്നാണ്. തമിഴിലും തെലുങ്കിലും ഹിന്ദിയിലും മലയാളത്തിലുമായാണ് ചിത്രം പുറത്തിറങ്ങിയിരിക്കുന്നത്.

Also Read: അന്ന് രഥത്തിലെങ്കിൽ ഇന്ന് ട്രയംഫിൽ തിളങ്ങി പ്രഭാസ്

ചിത്രത്തിന്‍റെ ആദ്യ ഷോ കഴിഞ്ഞ ഉടൻ 'സാഹോ' തമിഴ്‌റോക്കേഴ്‌സ് ചോര്‍ത്തിയിരിക്കുകയാണ്.

Also Read: സാഹോ സിനിമ റിവ്യൂ

തീയ്യേറ്ററുകളിലെത്തി മണിക്കൂറുകള്‍ക്കകമാണ് ചിത്രം തമിഴ്‌റോക്കേഴ്‌സ് ചോര്‍ത്തി ഇന്‍റര്‍നെറ്റിലിട്ടിരിക്കുന്നത്. അതേ സമയം ഇന്ന് തിയറ്ററുകളിലെത്തിയ 'സാഹോ'യ്ക്ക് സമ്മിശ്രപ്രതികരണമാണ് ലഭിച്ചുകൊണ്ടിരിക്കുന്നത്.

Also Read: ബാഹുബലി താരം പ്രഭാസിൻ്റെ 'സഹോ': മേക്കിങ് വീഡിയോ

ചിത്രത്തിലെ ആക്ഷൻരംഗങ്ങള്‍ ഏറെ മികച്ചതാണെന്നും എന്നാൽ ചിത്രത്തിന്‍റെ കഥ ചില മുൻ സിനിമകളുടെ ആവര്‍ത്തനമാണെന്നുമുള്‍പ്പെടെ പ്രേക്ഷകർ സോഷ്യൽമീഡിയയിൽ പ്രതികരണമിട്ടിട്ടുണ്ട്.

Also Read: അടി, ഇടി, വെടി, പുക; 'സാഹോ'യുടെ വെടിച്ചില്ല് ടീസര്‍

റിലീസ് ചെയ്ത എല്ലാ കേന്ദ്രങ്ങളിലും ചിത്രത്തിന് വൻ വരവേൽപ്പാണ് ലഭിച്ചുകൊണ്ടിരിക്കുന്നത്. 350 കോടി ബഡ്ജറ്റിലാണ് ചിത്രം ഒരുക്കിയിരിക്കുന്നത്. കഴിഞ്ഞ വാരം അജിത് നായകനായി എത്തിയ 'നേര്‍കൊണ്ട പാര്‍വൈ'യും റിലീസ് ദിനം തന്നെ തമിഴ്‌റോക്കേഴ്‌സ് ചോര്‍ത്തിയിരുന്നു.