''പ്രണയമാണിത്...'' 'ബഷീറിന്‍റെ പ്രേമലേഖന'ത്തിലെ ആദ്യ വീഡിയോ ഗാനം

അനീഷ് അൻവർ സംവിധാനം ചെയ്യുന്ന ‘ബഷീറിന്‍റെ പ്രേമലേഖനത്തിലെ ആദ്യ വീഡിയോ ഗാനം പുറത്തിറങ്ങി. സക്കറിയായുടെ ഗർഭിണികൾ, കുമ്പസാരം എന്നീ ചിത്രങ്ങൾക്കു ശേഷം അനീഷ് അൻവർ സംവിധാനം ചെയ്യുന്ന ചിത്രമാണിത്.

ഞാൻ സ്റ്റീവ് ലോപ്പസിലൂടെ അഭിനയരംഗത്തെത്തിയ ഫർഹാൻ ഫാസിലാണ് ചിത്രത്തില്‍ നായകനാകുന്നത്. ഫഹദ് ചിത്രമായ മറിയം മുക്കിലൂടെ മുൻനിരനായികമാരിലൊരാളായി മാറിയ സന അൽത്താഫാണ് നായിക. എൺപതുകളുടെ പശ്ചാത്തലത്തിലാണ് ചിത്രം അണിഞ്ഞൊരുങ്ങുന്നത്. ഇതുവരും പഴയകാല ലുക്കിലാണ് ചിത്രത്തില്‍ പ്രത്യക്ഷപ്പെടുന്നത്.

കമ്മട്ടിപ്പാടത്തിലൂടെ പ്രശസ്തനായ മണികണ്ഠനും ചിത്രത്തില്‍ ഒരു പ്രധാനവേഷം കൈകാര്യം ചെയ്യുന്നുണ്ട്. 1980 കാലഘട്ടത്തിലെ ഒരു പ്രണയകഥ പറയുന്ന ചിത്രത്തിൽ മധുവും ഷീലയും വീണ്ടും ഒന്നിക്കുന്നുണ്ട് എന്ന പ്രത്യേകതയും ചിത്രത്തിനുണ്ട്. ഷിനോദും ഷംസീറും ബിപിനും ചേര്‍ന്നാണ് ചിത്രത്തിന് തിരക്കഥ ഒരുക്കിയിരിക്കുന്നത് എറണാകുളവും പാലക്കാടുമാണ് മുഖ്യ ലൊക്കേഷനുകൾ. രണ്‍ജി പണിക്കര്‍, നെടുമുടി വേണു, കെപിഎസി ലളിത, അജു വര്‍ഗ്ഗീസ്, ദിലീഷ് പോത്തന്‍ തുടങ്ങിയവരാണ് ചിത്രത്തിലെ മറ്റു കഥാപാത്രങ്ങൾ.



''Pranayamaanithu''.... First Song Video is Out from the Movie 'Basheerinte Premalekhanam'

Sana, Farhaan give a glimpse into 'Basheerinte Premalekhanam' with 'Pranayamaanithu' song