പ്രേംനസീര്‍ സൗഹൃദ ക്രിക്കറ്റ്‌ മത്സരംമാര്‍ച്ച്‌ 5,6 തീയതികളില്‍

മലയാളത്തിലെ നിത്യഹരിത നായകന്‍ പ്രേംനസീറിന്റെ സ്‌മരണാര്‍ത്ഥം സിനിമാ പ്രവര്‍ത്തകര്‍ അണിനിരക്കുന്ന സെലിബ്രിറ്റി ക്രിക്കറ്റ്‌ മാച്ച്‌ സീസണ്‍-2 മാര്‍ച്ച്‌ 5,6 തീയതികളില്‍ കളമശേരി സെന്റ്‌ പോള്‍സ്‌ കോളേജ്‌ ഗ്രൗണ്ടില്‍ നടക്കും. സിനിമാ ഫ്രട്ടേണിറ്റിയുടെ ഭാഗമായി സംവിധായകന്‍ ഡോ.സുവിദ്‌ വില്‍സണും ഓണ്‍ലൈന്‍ മീഡിയ അസോസിയേഷനും ചേര്‍ന്നാണ്‌ മത്സരം സംഘടിപ്പിക്കുന്നത്‌. സൗഹൃദമത്സരത്തിന്റെ ആദ്യ സീസണ്‍ പ്രേംനസീര്‍ പഠിച്ച ചങ്ങനാശേരി എസ്‌ ബി കോളേജില്‍ 2014 ല്‍ വന്‍താര സാനിധ്യത്തില്‍ നടന്നിരുന്നു.



നാലു ടീമുകളാണ്‌ ഇക്കുറി മത്സരത്തിലുണ്ടാവുക. മാര്‍ച്ച്‌ 5 ന്‌ ഞായറാഴ്‌ച 9 മണിക്ക്‌ സംവിധായകരുടെ ടീമും മലയാളം കോമഡി ആക്ടേഴ്‌സ്‌ ടീമും ഏറ്റുമുട്ടും. അന്നു തന്നെ ഉച്ചക്ക ഒരുമണിക്ക്‌ നടക്കുന്ന രണ്ടാം മത്സരത്തില്‍ മലയാള സിനിമ പിന്നണി ഗായകരുടെ സംഘം ഒണ്‍ലൈന്‍ മൂവി പ്രമോട്ടര്‍മാരുടെ ടീമുമായി മത്സരിക്കും. ഇതിലെ വിജയികള്‍ ഫൈനലില്‍ മാറ്റുരക്കും. മാര്‍ച്ച്‌ 6 തിങ്കളാഴച്‌ 10 മണിക്കാണ്‌ ഫൈനല്‍ മത്സരം. മലയാളസിനിമയിലെ പ്രമുഖര്‍ മത്സരത്തില്‍ സജ്ജീവ സാനിധ്യമായിരിക്കും.

prem nazir friendly cricket match.