മലര്‍ മിസ് സിതാര; മലരേ നോ‍ർവെയിൽ

മലര്‍ ടീച്ചറുടെ തെലുങ്ക് പതിപ്പായ സിതാരയുടെ ലുക്കില്‍ ശ്രുതി ഹാസൻ. പ്രേമത്തിലെ ഹൈലൈറ്റായ മലരേ എന്ന ഗാനം തെലുങ്കില്‍ ചിത്രീകരിച്ചത് നോര്‍വേയിലെന്ന് സൂചന. നോ‍ർവേയിൽ നിന്നുള്ള ചിത്രം ശ്രുതി ഫേസ്ബുക്കില്‍ ചിത്രം ഷെയര്‍ ചെയ്തു. നിവിൻ പോളിയുടെ റോളിൽ യുവതാരം നാഗചൈതന്യയാണ്.

ജോ‍ർജ്ജ് എന്ന കഥാപാത്രം തെലുങ്കിലെത്തുക വിക്രം എന്ന പേരിലാണ്. അനുപമാ പരമേശ്വരന്‍ അവതരിപ്പിച്ച മേരി തെലുങ്കില്‍ ഹരിത എന്ന് പേരുമാറിയപ്പോഴും നായിക മാറിയില്ല. മഡോണ സെബാസ്റ്റിയനും മലയാളത്തില്‍ ചെയ്ത അതേ റോളിലുണ്ട്. ഗോപീസുന്ദറും രാജേഷ് മുരുഗേഷനുമാണ് ഗാനങ്ങള്‍ ഒരുക്കിയിരിക്കുന്നത്. സിതാരാ എന്റര്‍ടെയിന്‍മെന്റാണ് ചിത്രം നിര്‍മ്മിച്ചിരിക്കുന്നത്.