വിവാഹവാർഷികത്തിൽ സുപ്രിയക്ക് നന്ദിയർപ്പിച്ച് പൃഥ്വിരാജ്

നടൻ പൃഥ്വിരാജിന് ഇന്ന് വിവാഹവാർഷികം. അഞ്ചാം വിവാഹ വാ‍ഷികത്തിൽ തന്‍റെ എല്ലാ സൗഭാഗ്യങ്ങൾക്കും ഭാര്യ സുപ്രിയക്ക് നന്ദിയർപ്പിച്ച് പൃഥ്വി ഫേസ്ബുക് പോസ്റ്റിട്ടു.

പോസ്റ്റ് ഇങ്ങനെ:

" പാലക്കാട് നടന്ന ഒരു ചെറിയ ചടങ്ങിൽ വെച്ചാണ് ഞാനും സുപ്രിയയും വിവാഹിതരാവുന്നത്. ജീവിതത്തിലെ എല്ലാ ഘട്ടങ്ങളും പോലെ ഇവിടെയും ഉയർച്ച താഴ്ചകൾ ഉണ്ടായിട്ടുണ്ട്. പക്ഷേ എല്ലാ ഘട്ടത്തിലും... പ്രത്യേകിച്ച് ജീവിതം വെല്ലുവിളിക്കുന്നു എന്ന് തോന്നിയപ്പോൾ എല്ലാം എന്‍റെ ഉറ്റ സുഹൃത്ത് ഒപ്പമുണ്ടായിരുന്നു... എന്‍റെ ഭാര്യ. അതുകൊണ്ട് എനിക്ക് സംഭവിച്ച് ഏറ്റവും വലിയ നല്ല കാര്യത്തിന് ഒരു വലിയ നന്ദി പറയുന്നു. നന്ദി സുപ്രിയ നിനക്കും നീ ജന്മം നൽകിയ ​എന്‍റെ ഏറ്റവും വലിയ സന്തോഷത്തിനും. "

എന്തായാലും പോസ്റ്റ് വൈറലായി. ഇതിനകം പതിനായിരത്തോളം പേരാണ് പോസ്റ്റ് ലൈക് ചെയ്തിട്ടുള്ളത്. നിരവധി പേർ പോസ്റ്റ് ഷെയർ ചെയ്തിട്ടുമുണ്ട്.