പൃഥ്വീരാജും ഇന്ദ്രജിത്തും വീണ്ടും; ടിയാൻ ഫസ്റ്റ് ലുക്ക്

പൃഥ്വിരാജും ഇന്ദ്രജിത്തും വീണ്ടും ഒന്നിയ്ക്കുന്നു. 'ടിയാന്‍' എന്ന് പേരിട്ടിരിയ്ക്കുന്ന ചിത്രത്തിന്റെ ഫസ്റ്റ്‌ലുക്ക് പോസ്റ്റര്‍ റിലീസ് ചെയ്തു. ചെറിയൊരു ഇടവേളയ്ക്ക് ശേഷം മുരളിഗോപി തിരക്കഥ എഴുതുന്ന ചിത്രം സംവിധാനം ചെയ്യുന്നത് കാഞ്ചി എന്ന ചിത്രമൊരുക്കിയ കൃഷ്ണകുമാറാണ്. ആസിഫ് അലിയും മുരളീ ഗോപിയും ചിത്രത്തില്‍ സുപ്രധാന വേഷങ്ങളില്‍ എത്തുന്നുണ്ട്.



ഹനീഫ് മുഹമ്മദാണ് ചിത്രം നിര്‍മിയ്ക്കുന്നത്. ജൂലൈ ഒന്നിന് ചിത്രത്തിന്റെ ഷൂട്ടിംഗ് ഹൈദരാബാദില്‍ ആരംഭിക്കും.രളി ഗോപിയുടെ തിരക്കഥയില്‍ ഒരുങ്ങുന്ന ചിത്രത്തിന് വേണ്ടി അധികം കാത്തിരിയ്ക്കുക വയ്യ എന്ന് പൃഥ്വി ഫേസ്ബുക്കില്‍ എഴുതി. മുംബൈ, പൂനൈ, ബദരീനാഥ് എന്നിവിടങ്ങളിലും സിനിമ ചിത്രീകരിക്കുന്നുണ്ട്.നേരത്തെ നാസിക്കിലെ കുംഭമേളയുടെ പശ്ചാത്തലത്തില്‍ ഏതാനും രംഗങ്ങള്‍ ചിത്രീകരിച്ചിരുന്നു.