റോഷ്‍നി ദിനകറിന്‍റെ ചിത്രത്തില്‍ പൃഥ്വിരാജ് നായകൻ

നവാഗത സംവിധായികയുടെ റോഷ്‍നി ദിനകറിന്‍റെ ചിത്രത്തില്‍ അഭിനയിക്കാന്‍ പൃഥ്വിരാജ് ഒരുങ്ങുന്നു. കോമഡി എന്റര്‍ടെയിനറാണ് ചിത്രം. പൂര്‍ണമായും വിദേശത്താണ് ചിത്രത്തിന്റെ ഷൂട്ടിങ്. ശങ്കരരാമകൃഷ്ണനാണ് ചിത്രത്തിന് വേണ്ടി തിരക്കഥ ഒരുക്കുന്നത്. ഓഗസ്റ്റില്‍ ചിത്രത്തിന്റെ ഷൂട്ടിങ് തുടങ്ങും. യൂറോപ്പാണ് ചിത്രത്തിന്റെ പ്രധാന ലൊക്കേഷന്‍.

അഞ്ജലി മേനോന്‍, രേവതി എസ് വര്‍മ്മ, ശ്രീബാല കെ മേനോന്‍ എന്നിവര്‍ക്ക് പിന്നാലെയാണ് റോഷ്നി ദനകറും സംവിധാനത്തിലേക്ക് എത്തുന്നത്. ചിത്രത്തില്‍ പൃഥ്വിരാജിനൊപ്പം ബോളിവുഡ് താരങ്ങളും അഭിനയിക്കുന്നുണ്ട്. ചിത്രത്തെ കുറിച്ചുള്ള വിവരങ്ങള്‍ പുറത്ത് വിട്ടിട്ടില്ല.