ഊഴം: പൃഥ്വിരാജിന്‍റെ ഫസ്റ്റ് ലുക് കാണാം

മെമ്മറീസിന് ശേഷം പൃഥ്വിരാജിനെ നായകനാക്കി ജീത്തു ജോസഫ് ഒരുക്കുന്ന ഊഴത്തിന്‍റെ ഫസ്റ്റ് ലുക് പോസ്റ്റർ പുറത്തിറങ്ങി. ഫേസ്ബുക്കിലൂടെയാണ് ജീത്തു പോസ്റ്റ‍ർ പുറത്ത് വിട്ടത്. ഇറ്റ്സ് ജസ്റ്റ് എ മാറ്റർ ഓഫ് ടൈം എന്ന ടാഗ് ലൈനിലാണ് പോസ്റ്റർ പുറത്തിറങ്ങിയത്. ലൈഫ് ഓഫ് ജോസൂട്ടിക്ക് ശേഷം ജീത്തു ജോസഫ് തിരക്കഥയെഴുതി സംവിധാനം ചെയ്യുന്ന ചിത്രം ഒരു പ്രതികാര കഥയാണ് പറയുന്നത്.

ദിവ്യ പിള്ളയാണ് ചിത്രത്തിൽ നായിക. ഏപ്രിലിൽ ചിത്രീകരണം ആരംഭിച്ച് ഓണത്തിന് റിലീസ് ചെയ്യാനാണ് പദ്ധതി. ചിത്രത്തിൽ ബാലചന്ദ്രമേനോനും ഒരു പ്രധാന വേഷത്തിലുണ്ടാകും. ഷാംദത്ത് സൈനുദ്ദീനാണ് ഛായാഗ്രഹണം. സി ജോർജ്ജും ആന്‍റോ പടിഞ്ഞാറേക്കരയും ചേർന്നാണ് നിർമാണം.