പൃഥ്വിയുടെ ബ്രഹ്മാണ്ഡചിത്രം 'കാളിയൻ': പുതിയ പോസ്റ്റര്‍

പൃഥ്വിരാജ് നായകനാകുന്ന ബ്രഹ്മാണ്ഡചിത്രം 'കാളിയൻറെ' പുതിയ പോസ്റ്റര്‍ പുറത്തുവിട്ടു. ഫാൻ മേഡ് പോസ്റ്ററാണ് ഇപ്പോൾ പുറത്തുവിട്ടിരിക്കുന്നത്. ചിത്രത്തിന്‍റെ ഔദ്യോഗിക ഫേസ്ബുക്ക് പേജിലൂടെ ഈ പോസ്റ്റര്‍ ആരാധകരുമായി പങ്കുവെച്ചു. വേണാടിന്‍റെ ചരിത്രത്തിലെ വീരപുരുഷനും പടത്തലവനുമായിരുന്ന ഇരവിക്കുട്ടിപ്പിള്ളയുടെയും അദ്ദേഹത്തിന്‍റെ ആത്മാര്‍ഥ സുഹൃത്ത് കുഞ്ഞിരക്കോട്ട് കാളിയുടെയും കഥപറയുന്ന ചിത്രമാണ് കാളിയൻ.


പൃഥ്വിരാജിന്‍റെ സംഭാഷണം ഉള്‍പ്പെടെയുള്ള ചിത്രത്തിന്‍റെ ടീസര്‍ വൈറലായിരുന്നു. ബി.ടി.അനില്‍ കുമാര്‍ തിരക്കഥയൊരുക്കുന്ന ചിത്രം നവാഗതനായ എസ്.മഹേഷ് സംവിധാനം ചെയ്യുന്നത്. ശങ്കര്‍-എഹ്‌സാന്‍-ലോയ് ടീം ആണ് ചിത്രത്തിനായി സംഗീത സംവിധാനം നിര്‍വഹിക്കുന്നത്. ഈ ടീം സംഗീതം നിര്‍വ്വഹിക്കുന്ന ആദ്യ മലയാളചിത്രം കൂടിയാണിത്. സുജിത് വാസുദേവ് ആണ് ചിത്രത്തിനായി ക്യാമറ കൈകാര്യം ചെയ്യുന്നത്.