പൃഥ്വിരാജ് നായകനാകുന്ന രണത്തിന്‍റെ ടീസർ പുറത്തിറങ്ങി

പൃഥ്വിരാജ് നായകനാകുന്ന ആക്ഷൻ ത്രില്ലർ ചിത്രം രണത്തിന്‍റെ ടീസർ പുറത്തിറങ്ങി. നിർമൽ സഹദേവാണ് ചിത്രത്തിന്‍റെ സംവിധായകൻ. പേരു സൂചിപ്പിക്കുന്നത് പോലെ യുദ്ധസമാനമായ അന്തരീക്ഷമാണ് ചിത്രത്തിലുള്ളത്. അമേരിക്കയിലാണ് ചിത്രീകരണം നടന്നത്. ആക്ഷൻ രംഗങ്ങളാൽ സമ്പന്നമാണ് ചിത്രമെന്നാണ് ടീസറിൽ നിന്നും വ്യക്തമാകുന്നത്.

ചിത്രത്തിലെ പൃഥ്വിരാജിന്‍റെ ലുക്കും വൈറലായിരുന്നു. ഇഷ തൽവാറാണ് നായിക. ചിത്രത്തിൽ റഹ്മാനും പ്രധാന കഥാപാത്രത്തെ അവതരിപ്പിക്കുന്നുണ്ട്. ഹോളിവുഡ് ചിത്രങ്ങളായ ഹൗസ് ഓഫ് കാര്‍ഡ്‌സ്, മര്‍ഡര്‍ കോള്‍സ് എന്നിവയിലെ ആക്ഷന്‍ രംഗങ്ങളൊരുക്കിയ ക്രിസ്റ്റിയന്‍ ബ്രൂനെറ്റിയാണ് രണത്തിലെ ആക്ഷൻ രംഗങ്ങളും ഒരുക്കിയിരിക്കുന്നത്.