പ്രിയാമണിയുടേയും മുസ്തഫയുടേയും രജിസ്റ്റർ വിവാഹം

പ്രമുഖ തെന്നിന്ത്യന്‍ നടി പ്രിയാമണി വിവാഹിതയായി. യുവ വ്യവസായി മുസ്തഫ രാജാണ് വരന്‍. ബെംഗലുരുവിലെ ഒരു രജിസ്റ്റര്‍ ഓഫീസില്‍വെച്ചായിരുന്നു വിവാഹം. ദീര്‍ഘനാളത്തെ പ്രണയത്തിനൊടുവിലാണ് ഇരുവരും വിവാഹിതരായത്.ചടങ്ങില്‍ അടുത്ത ബന്ധുക്കളും സുഹൃത്തുക്കളും മാത്രമാണ് പങ്കെടുത്തത്. ബെംഗലുരുവില്‍ ഇവന്റ് മാനേജ്‌മെന്റ് ബിസിനസ് നടത്തുകയാണ് മുസ്തഫ രാജ്. വര്‍ഷങ്ങള്‍ക്ക് മുന്‍പ് ഒരു ഐപിഎല്‍ ചടങ്ങില്‍വെച്ചാണ് ഇരുവരും പരിചയപ്പെട്ടത്. തുടര്‍ന്ന് പ്രണയത്തിലാവുകയായിരുന്നു.

അടുത്ത ദിവസം തന്നെ ബന്ധുക്കള്‍ക്കും സുഹൃത്തുക്കള്‍ക്കും വിവാഹ സത്കാരം നല്‍കും.തുടര്‍ന്ന് ദിവസങ്ങൾക്കകം തന്നെ ശേഷിക്കുന്ന ചിത്രങ്ങളില്‍ അഭിനയിക്കാനെത്തുമെന്നും നടി അറിയിച്ചു. രണ്ട് സിനിമകളാണ് പ്രിയാമണിക്ക് ഉടന്‍ പൂര്‍ത്തിയാക്കാനുള്ളത്. രണ്ട് മതത്തില്‍പ്പെട്ടവരായതിനാല്‍ ഇരുമതങ്ങളുടെയും വിശ്വാസങ്ങള്‍ വ്രണപ്പെടാതിരിക്കാനാണ് വിവാഹം രജിസ്റ്റര്‍ ചെയ്യാന്‍ തീരുമാനിച്ചതെന്ന് പ്രിയാമണി വ്യക്തമാക്കിയിരുന്നു. വിവാഹ ശേഷവും അഭിനയിക്കുമെന്നും താരം അറിയിച്ചിട്ടുണ്ട്.

Priyamani, Mustufa Raj enter wedlock

Priyamani, Mustufa Raj enter wedlock in registrar office