ഈ സിനിമയ്ക്ക് കാരണമായത് കൊവിഡ് 19; സാനു ജോണുമൊത്തുള്ള സിനിമയെ കുറിച്ച് സന്തോഷ് ടി കുരുവിള

നിരവധി ശ്രദ്ധേയ മലയാള ചലച്ചിത്രങ്ങൾ നിര്‍മ്മിച്ചിട്ടുള്ള നിര്‍മ്മാതാവാണ് സന്തോഷ് ടി കുരുവിള. മായാനദി, നിമിര്‍, നീരാളി,ആന്‍ഡ്രോയ്ഡ് കുഞ്ഞപ്പന്‍ 5.25 തുടങ്ങി നിരവധി സിനിമകളുടെ നിര്‍മ്മാതാവാണ്‌. പ്രിയദര്‍ശന്‍റെ സംവിധാനത്തില്‍ പുറത്തിറങ്ങാനിരിക്കുന്ന മരക്കാര്‍ അറബിക്കടലിന്‍റെ സിംഹം എന്ന സിനിമയുടെ സഹനിര്‍മ്മാതാവുമാണ്. ഇപ്പോഴിതാ കൊവിഡ് കാലത്ത് തനിക്ക് കൈവന്ന ഒരു ഭാഗ്യത്തെ കുറിച്ച് അദ്ദേഹം സോഷ്യൽമീഡിയയിൽ ഒരു കുറിപ്പ് പങ്കുവെച്ചിരിക്കുകയാണ്.

Also Read: സോഷ്യൽമീഡിയയിലെ 'കോളനി' അധിക്ഷേപങ്ങൾക്ക് ചുട്ട മറുപടി; 'കളം' പുറത്തിറക്കി ആസിഫ് അലി

ഇത് ആഹ്ളാദത്തിൻ്റെ കൊടുമുടി എന്ന് കുറിച്ചുകൊണ്ടാണ് അദ്ദേഹത്തിന്‍റെ കുറിപ്പ്. സ്കൂൾ കാലഘട്ടത്തിലെ സൗഹൃദത്തിന് ഇരട്ടി മധുരം പകർന്ന് ഞാനും എൻ്റെ ആത്മ സുഹൃത്ത് സാനു ജോൺ വർഗ്ഗീസും ചേർന്ന്
"ഒരുമിച്ചൊരു സിനിമ"എന്ന സ്വപ്നം യാഥാർത്ഥ്യമാകുന്നു എന്നാണ് അദ്ദേഹം കുറിപ്പിൽ പറഞ്ഞിരിക്കുന്നത്.

സിനിമ രംഗത്ത് എത്തിയ സമയം മുതൽ ഞങ്ങൾ രണ്ടും പേരും ചേർന്ന് ഒരു ചലച്ചിത്രം ഒരുക്കുക എന്നതിന് പലവട്ടം പരിശ്രമിച്ചിരുന്നു. പക്ഷെ സാനു ജോൺ വർഗ്ഗീസ് എന്ന ഛായാഗ്രഹകൻ്റെ ഹിന്ദി, തെലുങ്ക്, തമിഴ് അടക്കമുള്ള അന്യഭാഷ ചിത്രങ്ങളിലെ തിരക്ക് ഒരു വലിയ തടസ്സമായ് തന്നെ നിലനിന്നു, ഇതിനിടെ ഞാൻ നിർമ്മാതാവായ "ആൻഡ്രോയ്ഡ് കുഞ്ഞപ്പൻ" എന്ന ചിത്രത്തിൻ്റെ ക്യാമറ അദ്ദേഹം ചലിപ്പിച്ചു.
കുറിപ്പ് പൂർണ്ണരൂപം വായിക്കാം

ഇപ്പോൾ ഇതാ ഉടൻ ചിത്രീകരണം ആരംഭിയ്ക്കാൻ പോവുന്ന ചിത്രത്തിൻ്റെ സംവിധായകൻ്റെ റോളിലാണ് സാനു ജോൺ വർഗ്ഗീസ് എത്തുന്നത്. സിനിമയുടെ നിർമ്മാതാവാകുക എന്നത് തന്നെയാണ് എൻ്റെ നിയോഗം. ഇതിന് പെട്ടെന്നൊരു അവസരം കൈവന്നതിന് കാരണവും കൊവിഡ് 19നാണ്. മഹാമാരിയുടെ തുടക്കത്തിൽ തന്നെ മുംബൈയിൽ നിന്നും നിർബന്ധിതമായ് നാട്ടിലെത്തേണ്ട സാഹചര്യം അദ്ദേഹത്തിനുണ്ടായ് എന്നത് ഒരു ചിരകാല അഭിലാഷത്തിൻ്റെ സാക്ഷാത്കാരത്തിന് തുണയായ്.

Also Read: മനു ജോസഫിന്‍റെ 'സീരിയസ് മെൻ' ഇനി സിനിമ; ഒക്ടോബർ രണ്ടിന് നെറ്റ്ഫ്ലിക്സ് റിലീസ്

അതെ കോട്ടയത്തിൻ്റെ മണ്ണിൽ നിന്ന് ഈ നാടിൻ്റെ പശ്ചാത്തലത്തിൽ തന്നെ കോട്ടയംകാരായ ഞങ്ങളിരുവരുടേയും ഏറെക്കാലത്തെ ത്രില്ലിന് നിറം നൽകുകയാണ്. തിരക്കഥ പൂർത്തിയായ്. ലൊക്കേഷൻ കോട്ടയത്ത് തന്നെ, മൂൺ ഷോട്ട് എൻ്റർൻ്റെയിൻമെൻസിൻ്റെ ബാനറിൽ തന്നെയാണ് നിർമ്മാണം. ക്യാമറ റോൾ ചെയ്ത് തുടങ്ങാൻ ഏതാനും ദിവസം കൂടി, യേ ദോസ്തി ഹം നഹി തോടേംഗെ, സന്തോഷ് ടി കുരുവിള ഫേസ്ബുക്കിൽ കുറിച്ചിരിക്കുകയാണ്.

Also Watch :