'പുലിമുരുകൻ' 3000 സ്‌ക്രീനുകളിൽ; റിലീസ് പ്രഖ്യാപിച്ചു

മോഹൻലാലിന്‍റെ ബ്രഹ്മാണ്ഡ ചിത്രം 'പുലിമുരുകൻ' ജൂലായ് ഏഴിന് പ്രേക്ഷകരിലെത്തും. പെരുന്നാൾ റിലീസായാണ് മോഹൻലാൽ ചിത്രമെത്തുക. മലയാളത്തിന് പുറമേ ഇംഗ്ലീഷിലും തെലുങ്കിലുമായി പ്രദർശനത്തിനെത്തുന്ന സിനിമ ചൈന,വിയറ്റ്‌നാം ഉൾപ്പെടെ 3000 സ്‌ക്രീനുകളിൽ പ്രദർശിപ്പിക്കുമെന്ന് നി‍ർമ്മാതാവ് പറയുന്നു. വൈശാഖ് സംവിധാനം ചെയ്യുന്ന ചിത്രം ലാലിന്റെ ആക്ഷന്‍ മാസ് രംഗങ്ങളുടെ തേരോട്ടമാണെന്നാണ് വാർത്തകൾ.

മോഹൻലാലിനെ കൂടാതെ ജഗപതി ബാബു, കമാലിനി മുഖ‍ർജി,ബാല,സിദ്ദീഖ്, വിനു മോഹൻ, സുരാജ് വെഞ്ഞാറമ്മൂട് എന്നിവരും ചിത്രത്തിലുണ്ട്. ഒറിജിനൽ പുലികളുമായുള്ള സംഘട്ടനം സിനിമയുടെ ഹൈലൈറ്റാണ്.