'പുലിമുരുകൻ' പുതിയപോസ്റ്ററിന് ഗംഭീര വരവേൽപ്

മോഹൻലാലിന്‍റെ ബ്രഹ്മാണ്ഡചിത്രം 'പുലിമുരുകന്‍റെ' പുതിയ പോസ്റ്ററിന് ഗംഭീര വരവേൽപ്. കാടിനുനടുവിൽ പുലിമുരകനായി അഭിനയിക്കുന്ന മോഹൻലാലും മറ്റ് നാല് കഥാപാത്രങ്ങളും നിൽക്കുന്നതായാണ് പോസ്റ്റ‍ർ. മലയാളത്തിൽ നിന്നും ലാലും തെലുങ്കിൽ നിന്നും ജഗുപതി ബാബുവും ഹിന്ദിയിൽ നിന്നും മകരാന്ദ് ദേശ്പാണ്ഡെയും തമിഴിൽ നിന്നും കിഷോറും പോസ്റ്ററിലുള്ള മറ്റ് താരങ്ങളാണ്.


മലയാളത്തിലെ ഏറ്റവും കൂടുതൽ മുതൽമുടക്കുമായെത്തുന്ന ചിത്രം മുളകുപാടം ഫിലിംസിന്‍റെ ബാനറിൽ ടോമിച്ചൻ മുളകുപാടമാണ് നി‍ർമ്മിക്കുന്നത്. വൈശാഖ് സംവിധാനം ചെയ്യുന്ന ചിത്രത്തിന്‍റെ തിരക്കഥ ഉദയ്കൃഷ്ണയും സംഗീതം ഗോപിസുന്ദറുമാണ്.

ശിവാജി, അന്യൻ, യന്തിരൻ, ഐ, ബാഹുബലി എന്നീ സിനിമകളുടെ സ്റ്റണ്ട് മാസ്റ്ററായ പീറ്റ‍ർ ഹെയ്നാണ് സ്റ്റണ്ട് കോറിയോഗ്രഫി നി‍ർവ്വഹിച്ചിരിക്കുന്നത്. ബാഹുബലി സിനിമയുടെ പിന്നണിയിൽ പ്രവർത്തിച്ചവരാണ് വിഷ്വൽ ഇഫക്ട്സ് ഒരുക്കുന്നതും. ചിത്രത്തിന്‍റെ മൂന്നാമത്തെ പോസ്റ്ററാണ് ഇപ്പോഴെത്തുന്നത്. ജൂലായിലാണ് ചിത്രത്തിന്‍റെ റിലീസ്. മോഹൻലാലിന്റെ ഔദ്യോഗിക ഫേസ്ബുക്ക് പേജിലിട്ട പോസ്റ്ററിന് വൻ വരവേൽപാണ് നിമിഷനേരം കൊണ്ട് ലഭിച്ചിരിക്കുന്നത്.