പുരി ജഗന്നാഥിന്‍റെ 'ഐസ്മാര്‍ട്ട് ശങ്കര്‍' ടീസര്‍

തെലുങ്കിലെ സൂപ്പര്‍ ഹിറ്റ് സംവിധായകനായ പുരി ജഗന്നാഥിന്‍റെ പുതിയ ചിത്രം ഐസ്മാര്‍ട്ട് ശങ്കറിന്‍റെ കിടിലൻ ടീസര്‍ പുറത്തിറങ്ങി. റാം, നിധി അഗെര്‍വാള്‍, നഭ നടേഷ്, സത്യദേവ് എന്നിവരാണ് താരങ്ങള്‍. കഥ, തിരക്കഥ, സംഭാഷണം, സംവിധാനം ഒരുക്കിയിരിക്കുന്നത് പുരി ജഗന്നാഥ് തന്നെയാണ്. മണി ശര്‍മ്മയാണ് സംഗീതം ഒരുക്കിയിരിക്കുന്നത്.


കലാസംവിധാനം ജോണി ഷയിക്കും എഡിറ്റിംഗ് ജുനൈദ് സിദ്ധിഖിയും ഡിഒപി രാജ് തോട്ടയും ഗാനരചന ഭാസ്കര്‍ ബട്ലയും ചേര്‍ന്നാണ് നിര്‍വ്വഹിച്ചിരിക്കുന്നത്. പുരി ജഗന്നാഥും ചാര്‍മി കൗറും ചേര്‍ന്നുള്ള പുരി കണക്ടസിന്‍റെ ബാനറിലാണ് നിര്‍മ്മാണം. ടീസര്‍ യൂട്യൂബിൽ തരംഗമായികഴിഞ്ഞിരിക്കുകയാണ്.

ബദ്രി, പോക്കിരി, വാണ്ടഡ്, ബിസിനസ്‍മാൻ, റോമിയോ, ടെമ്പര്‍, ലോഫര്‍, പൈസ വസൂല്‍ തുടങ്ങിയവയാണ് തെലുങ്കിൽ പുരി ജഗന്നാഥിന്‍റെ സൂപ്പര്‍ഹിറ്റ് ചിത്രങ്ങള്‍. ഈ വര്‍ഷം പുരി ഒരുക്കുന്ന ആദ്യത്തെ ചിത്രമാണിത്.