മോഹന്‍ലാലിനെ തെലുങ്കില്‍ എത്തിച്ചതിന് നന്ദി; രാജമൗലി

മോഹന്‍ലാലിനോടുള്ള തന്റെ ആദരവും സ്‌നേഹവും പ്രകടിപ്പിച്ച് എസ് എസ് രാജമൗലി. മോഹന്‍ലാല്‍ ആദ്യമായി അഭിനയിക്കുന്ന തെലുങ്ക് ചിത്രമാണ് മനമാന്ത റിലീസിന് ഒരുങ്ങുകയാണ്. ഇൗയവസരത്തിലാണ് ഫേസ്ബുക്കിലൂടെയാണ് ബാഹുബലി സംവിധായകന്റെ പ്രതികരണം.

മോഹന്‍ലാലിനെ തെലുങ്ക് സിനിമയില്‍ എത്തിച്ചതിന് രാജമൗലി ചിത്രത്തിന്റെ അണിയറപ്രവര്‍ത്തകരോട് നന്ദി പറഞ്ഞു. ചിത്രത്തിന്റെ ടീസര്‍ ഷെയര്‍ ചെയ്തുകൊണ്ട് തന്റെ ആകാംക്ഷ രാജമൗലി പങ്കുവയ്ക്കുന്നു. റിലീസ് ഡേറ്റ് അറിയാനുള്ള ആകാംക്ഷയും എസ് എസ് രാജമൗലിയുടെ പോസ്റ്റിലുണ്ട്.

ഗൗതമി, വിശ്വനാഥ്, റെയ്‌ന റാവു, ഉര്‍വശി, നാസര്‍ തുടങ്ങിയവരും കഥാപാത്രങ്ങളായി എത്തുന്ന ചിത്രം വിസ്മയം എന്ന പേരില്‍ മലയാളത്തിലും റിലീസ് ചെയ്യും.