ദുല്ഖര് സല്മാൻ നായകനായ തെലുങ്ക് ചിത്രം 'മഹാനടി' എന്ന ചിത്രം കണ്ട് താൻ ദുൽഖറിന്റെ ആരാധകനായെന്ന് വെളിപ്പെടുത്തി ബ്രഹ്മാണ്ഡ ചിത്ര സംവിധായകൻ രാജമൗലി രംഗത്ത്. ദുൽഖറിന്റെ ആദ്യ തെലുങ്ക് ചിത്രമാണ് മഹാനടി. ചിത്രത്തിന് എല്ലായിടത്തു നിന്നും മികച്ച അഭിപ്രായമാണ് കിട്ടുന്നത്. മുന് തെന്നിന്ത്യന് നായികയായിരുന്ന സാവിത്രിയുടെ ജീവിത കഥ പറയുന്ന ചിത്രമാണിത്. നാഗ് അശ്വിനാണ് ചിത്രം സംവിധാനം ചെയ്തത്.
ചിത്രത്തിലെ പ്രധാന താരങ്ങളായ ദുൽഖർ സൽമാനെയും കീർത്തി സുരേഷിനെയും ചിത്രം കണ്ട ശേഷം ബാഹുബലി സംവിധായകൻ എസ്.എസ് രാജമൗലി വാനോളം പുകഴ്ത്തി. ജെമിനി ഗണേശായെത്തിയ ദുൽഖർ അസാമാന്യ പ്രകടനമാണ് കാഴ്ചവച്ചതെന്നും രാജമൗലി ചൂണ്ടിക്കാട്ടി. മഹാനടി സാവിത്രിയായി വേഷമിട്ട കീർത്തിയുടെ പ്രകടനം ഇതുവരെ കണ്ടതിൽ ഏറ്റവും മികച്ച പ്രകടനങ്ങളിലൊന്നാണ്, താൻ ദുൽഖറിന്റെ വലിയ ആരാധകനായി മാറി രാജമൗലി ട്വീറ്റ് ചെയ്തു.
ചിത്രം കണ്ട തെലുങ്കിലെ മുൻനിര നടീ നടൻമാരും സംവിധായകരും അടക്കം ചിത്രത്തെ വാനോളം പുകഴ്ത്തുകയാണ്. ചിത്രത്തിന്റെ തമിഴ് പതിപ്പ് 11ന് കേരളത്തിലും തമിഴ്നാട്ടിലുമായി തിയേറ്ററുകളിലെത്തും.
ചിത്രത്തിലെ പ്രധാന താരങ്ങളായ ദുൽഖർ സൽമാനെയും കീർത്തി സുരേഷിനെയും ചിത്രം കണ്ട ശേഷം ബാഹുബലി സംവിധായകൻ എസ്.എസ് രാജമൗലി വാനോളം പുകഴ്ത്തി. ജെമിനി ഗണേശായെത്തിയ ദുൽഖർ അസാമാന്യ പ്രകടനമാണ് കാഴ്ചവച്ചതെന്നും രാജമൗലി ചൂണ്ടിക്കാട്ടി. മഹാനടി സാവിത്രിയായി വേഷമിട്ട കീർത്തിയുടെ പ്രകടനം ഇതുവരെ കണ്ടതിൽ ഏറ്റവും മികച്ച പ്രകടനങ്ങളിലൊന്നാണ്, താൻ ദുൽഖറിന്റെ വലിയ ആരാധകനായി മാറി രാജമൗലി ട്വീറ്റ് ചെയ്തു.
ചിത്രം കണ്ട തെലുങ്കിലെ മുൻനിര നടീ നടൻമാരും സംവിധായകരും അടക്കം ചിത്രത്തെ വാനോളം പുകഴ്ത്തുകയാണ്. ചിത്രത്തിന്റെ തമിഴ് പതിപ്പ് 11ന് കേരളത്തിലും തമിഴ്നാട്ടിലുമായി തിയേറ്ററുകളിലെത്തും.