ഷാരൂഖിന് ഉപദേശവുമായി രാം ഗോപാൽ വർമ

ഷാരൂഖ് മറ്റൊരു കമൽഹാസനായി മാറുകയാണെന്ന് രാം ഗോപാല്‍ വര്‍മ. ഷാരൂഖ് ഖാന്‍ ഇപ്പോള്‍ സാധാരണക്കാരനായ ആരാധകനായും കുള്ളനായുമൊക്കെ അഭിനയിക്കുകയാണ്. ഇതു പോലെ തന്നെയാണ് കമൽ ഹാസനും ചെയ്തത്. ഇത്തരം മണ്ടത്തരങ്ങള്‍ മൂലമാണ് കമൽഹാസന് താരപദവി നഷ്ടമായതെന്നും ആർ.ജി.വി. പറഞ്ഞു.

താമസിയാതെ ഷാരൂഖും കമലിന്‍റെ ഗതി തന്നെയാകുമെന്നാണ് ഇദ്ദേഹം മുന്നറിയിപ്പ് നല്‍കുന്നത്. ഒരു കാലത്ത് രജനിയ്ക്കൊപ്പം നില്‍ക്കുന്ന നടനായിരുന്നു കമല്‍. എന്നാല്‍ സ്വന്തം അഭിനയ പരീക്ഷണങ്ങൾ കൊണ്ടാണ് അദ്ദേഹം സ്വന്തം താരപദവി നഷ്ടപ്പെടുത്തിയത്. തെറ്റായ ഉപദേശകരുടെ വാക്കുകള്‍ ഷാരൂഖ് ഇനിയെങ്കിലും മുഖവിലയ്ക്ക് എടുക്കരുതെന്നും വര്‍മ ഉപദേശിക്കുന്നുണ്ട്.

രജനീകാന്ത് ഇപ്പോഴും സൂപ്പര്‍സ്റ്റാറായി നില്‍ക്കുന്നത് അദ്ദേഹം രജനീകാന്തായി നില്‍ക്കുന്നതു കൊണ്ടാണ്. അതേപോലെ ഷാരൂഖ് ഷാരൂഖായിത്തന്നെ നില്‍ക്കണമെന്നും മറ്റാരുമാവാന്‍ ശ്രമിക്കരുതെന്നുമാണ് രാം ഗോപാല്‍ വര്‍മയുടെ ഉപദേശം.