ആന്ധ്രപ്രദേശ് മുഖ്യമന്ത്രി ചന്ദ്രബാബു നായിഡുവിന് വില്ലൻ പരിവേഷവുമായി എത്തുന്ന ‘ലക്ഷ്മീസ് എൻടിആർ’ൻ്റെ ട്രെയിലര് പുറത്ത് വിട്ടു. രാം ഗോപാൽ വർമയും അഗസ്ത്യ മഞ്ജുവും ചേർന്നാണ് ചിത്രം സംവിധാനം ചെയ്തിരിക്കുന്നത്. നായിഡുവിനെ എൻടിആർ ‘സർപ്പം’ എന്നു അഭിസംബോധന ചെയ്യുന്ന രംഗം ട്രെയിലറിൽ ഉൾപ്പെടുത്തിയിട്ടുണ്ട്. ലക്ഷ്മി പാർവതിയുമായുള്ള വിവാഹത്തിൻ്റെ പേരിൽ തന്നെ ഒറ്റപ്പെടുത്തുകയും അധികാരത്തിൽ നിന്നു പുറത്താക്കുകയും ചെയ്തതിൻ്റെ പേരിലാണ് എൻടിആർ നായിഡുവിനെതിരെ തിരിഞ്ഞത്. ആന്ധ്ര പ്രദേശിൽ ലോക്സഭ തെരഞ്ഞെടുപ്പിനൊപ്പം തന്നെ നിയമസഭയിലേക്കും തിരഞ്ഞെടുപ്പു നടക്കും എന്നതിനാൽ സിനിമ വലിയ രാഷ്ട്രീയ ആയുധമായി മാറുന്ന കാഴ്ചയാണ് ഇപ്പോഴുള്ളത്. എൻടി ആറിൻ്റെ ജീവിത കഥയാണ് ചിത്രം പറയുന്നത്. എൻടിആറിൻ്റെ ജീവിത കഥയുടെ ആദ്യ ഭാഗം പറയുന്ന ‘എൻടിആർ കഥാനായകുടു’ പുറത്തിറങ്ങിയത് കഴിഞ്ഞമാസമായിരുന്നു. ഈ ചിത്രത്തിൽ എൻടിആറിൻ്റെ മകൻ നന്ദമൂരി ബാലകൃഷ്ണ എൻടിആറായി പ്രത്യക്ഷപ്പെട്ടത്. കൃഷ് ആയിരുന്നു ഈ ചിത്രം സംവിധാനം ചെയ്തത്. ഈ ചിത്രത്തിൽ എൻടിആറിൻ്റെ നല്ല വശങ്ങൾ മാത്രം പറഞ്ഞ് എൻടിആറിനെ മഹാനായി ചിത്രീകരിക്കുകയായിരുന്നു.
ഈ ചിത്രത്തിൽ നായിഡുമായുള്ള പ്രശ്നങ്ങൾ അടക്കമുള്ള വിവാദ സംഭവങ്ങൾ പരാമർശിച്ചിരുന്നില്ല. ഈ ചിത്രത്തിൻ്റെ രണ്ടാംഭാഗം ഈ മാസം 22ന് പുറത്ത് വിടും. അതിനിടെയാണ് ‘ലക്ഷ്മീസ് എൻടിആർ’ എന്ന പേരിൽ പുതിയ ചിത്രം എത്തുന്നത്. പി. വിജയകുമാറാണ് ചിത്രത്തിലെ നായകൻ. വിജയകുമാറിന് എൻടിആറിൻ്റെ രൂപവുമായി അസാധാരണ രൂപസാദ്യശ്യമാണ് ഉള്ളത്. ഇത് ചിത്രത്തിന് വലിയ വിജയ സാധ്യത നൽകുമെന്ന പ്രതീക്ഷയിലാണ് അണിയറ പ്രവര്ത്തകര്. തരക് പൊന്നപ്പയാണ് ചിത്രത്തിൽ ആന്ധ്രപ്രദേശ് മുഖ്യമന്ത്രി ചന്ദ്രബാബു നായിഡുവിൻ്റെ വേഷം കൈകാര്യം ചെയ്യുന്നത്. ലക്ഷ്മി പാർവതിയായി യഗ്ന ഷെട്ടിയാണ് എത്തുന്നത്. ചിത്രം ഉടൻ റിലീസിനെത്തും. റിലീസ് തീയതിയിൽ അന്തിമ തീരുമാനമായിട്ടില്ല.
അതേസമയം മമ്മൂട്ടി നായകനായ ‘യാത്ര’ ആന്ധ്ര പ്രദേശിൽ വിജയകരമായി മുന്നേറുകയാണ്. അന്തരിച്ച മുഖ്യമന്ത്രി വൈ.എസ്. രാജശേഖര റെഡ്ഡിയുടെ വേഷത്തിലാണ് മമ്മൂട്ടി ചിത്രത്തിലെത്തുന്നത്. ഈ ചിത്രം ആന്ധ്രയിൽ കോണ്ഗ്രസിന് അനുകൂലമായ തരംഗം ഉണ്ടാക്കുമെന്നാണ് പ്രതീക്ഷ. അതിനിടെ രാജശേഖര റെഡ്ഡിയുടെ മകനും വൈഎസ്ആർ കോൺഗ്രസ് നേതാവുമായ ജഗൻ മോഹൻ റെഡ്ഡി തെരഞ്ഞെടുപ്പുമായി ബന്ധപ്പെട്ട് പദയാത്ര നടത്തിവരികയാണ്. വൈ.എസ്. രാജശേഖര റെഡ്ഡിയുടെ പദയാത്രയാണ് ‘യാത്ര’യിലെ മുഖ്യ പ്രമേയം.
ഈ ചിത്രത്തിൽ നായിഡുമായുള്ള പ്രശ്നങ്ങൾ അടക്കമുള്ള വിവാദ സംഭവങ്ങൾ പരാമർശിച്ചിരുന്നില്ല. ഈ ചിത്രത്തിൻ്റെ രണ്ടാംഭാഗം ഈ മാസം 22ന് പുറത്ത് വിടും. അതിനിടെയാണ് ‘ലക്ഷ്മീസ് എൻടിആർ’ എന്ന പേരിൽ പുതിയ ചിത്രം എത്തുന്നത്. പി. വിജയകുമാറാണ് ചിത്രത്തിലെ നായകൻ. വിജയകുമാറിന് എൻടിആറിൻ്റെ രൂപവുമായി അസാധാരണ രൂപസാദ്യശ്യമാണ് ഉള്ളത്. ഇത് ചിത്രത്തിന് വലിയ വിജയ സാധ്യത നൽകുമെന്ന പ്രതീക്ഷയിലാണ് അണിയറ പ്രവര്ത്തകര്. തരക് പൊന്നപ്പയാണ് ചിത്രത്തിൽ ആന്ധ്രപ്രദേശ് മുഖ്യമന്ത്രി ചന്ദ്രബാബു നായിഡുവിൻ്റെ വേഷം കൈകാര്യം ചെയ്യുന്നത്. ലക്ഷ്മി പാർവതിയായി യഗ്ന ഷെട്ടിയാണ് എത്തുന്നത്. ചിത്രം ഉടൻ റിലീസിനെത്തും. റിലീസ് തീയതിയിൽ അന്തിമ തീരുമാനമായിട്ടില്ല.
അതേസമയം മമ്മൂട്ടി നായകനായ ‘യാത്ര’ ആന്ധ്ര പ്രദേശിൽ വിജയകരമായി മുന്നേറുകയാണ്. അന്തരിച്ച മുഖ്യമന്ത്രി വൈ.എസ്. രാജശേഖര റെഡ്ഡിയുടെ വേഷത്തിലാണ് മമ്മൂട്ടി ചിത്രത്തിലെത്തുന്നത്. ഈ ചിത്രം ആന്ധ്രയിൽ കോണ്ഗ്രസിന് അനുകൂലമായ തരംഗം ഉണ്ടാക്കുമെന്നാണ് പ്രതീക്ഷ. അതിനിടെ രാജശേഖര റെഡ്ഡിയുടെ മകനും വൈഎസ്ആർ കോൺഗ്രസ് നേതാവുമായ ജഗൻ മോഹൻ റെഡ്ഡി തെരഞ്ഞെടുപ്പുമായി ബന്ധപ്പെട്ട് പദയാത്ര നടത്തിവരികയാണ്. വൈ.എസ്. രാജശേഖര റെഡ്ഡിയുടെ പദയാത്രയാണ് ‘യാത്ര’യിലെ മുഖ്യ പ്രമേയം.