'രാമലീല' ഈ മാസം 28ന് പ്രദർശനത്തിനെത്തും

നടൻ ദിലീപ് അറസ്റ്റിലായതിന് പിന്നാലെ പ്രതിസന്ധിയിലായ രാമലീല എന്ന ചിത്രത്തിന്‍റെ റിലീസ് ഈ മാസം 28ന്. ദിലീപ് നായകനായെത്തുന്ന ചിത്രം റിലീസ് ചെയ്യാനാകാതെ അനിശ്ചിതത്വത്തിലായിരുന്നു. ഇനി റിലീസ് നീട്ടിക്കൊണ്ടു പോകാനാകില്ലെന്ന് അണിയറക്കാർ അറിയിച്ചു.

ജൂലൈ 7 നായിരുന്നു ചിത്രത്തിന്‍റെ റിലീസ് ആദ്യം നിശ്ചയിക്കുന്നത്. ദിലീപ് അറസ്റ്റിലാകുമ്പോൾ ചിത്രത്തിന്‍റെ പോസ്റ്റ് പ്രൊഡക്ഷൻ പുരോഗമിക്കുകയായിരുന്നു. രണ്ടാം തവണ ജാമ്യാപേക്ഷയുമായി ദിലീപ് ഹൈക്കോടതിയെ സമീപിച്ചപ്പോൾ അനുകൂല വിധി ഉണ്ടായാൽ ഓണത്തിന് ചിത്രം റിലീസ് ചെയ്യാനായിരുന്നു പദ്ധതി. സച്ചിയുടെ തിരക്കഥയിൽ നവാഗതനായ അരുണ്‍ ഗോപിയാണ് സംവിധാനം. 'പുലിമുരുകന്' ശേഷം മുളകുപാടം ഫിലിംസ് നിര്‍മ്മിക്കുന്ന സിനിമയാണ് രാമലീല.

Ramaleela to hit screen on 28th of this month

Dileep starrer big budget movie Ramaleela to be in theatres on 28th of this month. The movie was at stake after the star's arrest.