ഇതുവരെ കാണാത്ത ഭാവഭേദവുമായി സ്വാസിക, ഒപ്പം അനായാസ പ്രകടനവുമായി റാമും; ഹൊറർ കോമഡി 'തുടരും 2 ഭയം'!

അള്ള് രാമേന്ദ്രൻ , കുടുക്ക് 2025 തുടങ്ങിയ സിനിമകളുടെ സംവിധായകനായ ബിലഹരി ഒരുക്കിയ ഷോർട്ട് ഫിലിമാണ് തുടരും. വിവാഹം കഴിഞ്ഞാല്‍ ഭാര്യ അനുഭവിക്കേണ്ടി വരുന്ന കഷ്ടപ്പാടുകൾ പറഞ്ഞ ആദ്യ ഭാഗത്തിനു ശേഷം രണ്ടാം ഭാഗവുമായി എത്തിയിരിക്കുകയാണ് അണിയറപ്രവർത്തകർ. ചിത്രത്തിൻ്റെ ആദ്യഭാഗം ഏറെ ശ്രദ്ധ ആകർഷിച്ചിരുന്നു.

Also Read: ഇരട്ടി സന്തോഷം; നീണ്ട കാത്തിരിപ്പിനൊടുവിൽ അവരെത്തി; മക്കളെത്തിയ സന്തോഷം പങ്കുവച്ചുകൊണ്ട് സജി സുരേന്ദ്രൻ!

ആദ്യഭാഗത്തിലെ പോലെ തന്നെ സ്വാസികയുടെയും റാം മോഹനുമാണ് രണ്ടാം ഭാഗത്തിലും പ്രധാന വേഷത്തിൽ എത്തുന്നത്. ഇരുവരുടെയും ഗംഭീര അഭിനയം ഹ്രസ്വചിത്രത്തിൻ്റെ മാറ്റ് കൂട്ടിയിട്ടുണ്ട്.

വിവാഹിതരായ ശേഷം സ്ത്രീകൾ അനുഭവിക്കേണ്ടി വരുന്ന ബുദ്ധിമുട്ടുകളെ പറ്റിയാണ് ഹ്രസ്വചിത്രം പറയുന്നത്. ഹൊറർ കോമഡി ജോണറിലാണ് ' തുടരും 2 ഭയം ' ഒരുക്കിയിട്ടുള്ളത്. സ്വാസിക മുൻപ് ചെയ്തിട്ടില്ലാത്ത വിധത്തിലുള്ള ഹൊറർ കാരക്ടർ ഈ ഷോർട്ട് ഫിലിമിൽ ചെയ്തിരിക്കുന്നത്.

Also Read: അതെ, എനിക്കൊരു സത്യസന്ധമായ പ്രണയം ഉണ്ടായിരുന്നു, പക്ഷെ സമീപകാലത്ത് ആ പ്രണയം ബ്രേക്ക് അപ്പ് ആയി; അനുപമ പരമേശ്വരന്‍ പറയുന്നു

സൈറ ബാനു എന്ന സിനിമയിലൂടെ പ്രശസ്‌തനായ ഛായാഗ്രാഹകനായ അബ്ദുൾ റഹിമാണ് ക്യാമറ ചലിപ്പിച്ചിരിക്കുന്നത്, സംഗീതം ഭൂമിയാണ് നിർവ്വഹിച്ചിരിക്കുന്നത്. ശ്യാം നാരായണനാണ് രചന നിർവ്വഹിച്ചിരിക്കുന്നത്, എഡിറ്റർ വിനു കെ സനിലും സിങ്ക് സൗണ്ട് റോമ്ലിനും അർജുൻ മേനോൻ കളറിങ്ങും നിർവ്വഹിച്ചിരിക്കുന്നു.