‘ഹാത്തി മേരി സാത്തി’യുടെ ഫസ്റ്റ് ലുക്ക് പോസ്റ്റര്‍

'ബാഹുബലി' എന്ന ചിത്രത്തിലൂടെ പ്രിയങ്കരനായ റാണ ദഗുബതിയുടെ പുതിയ ചിത്രം ‘ഹാത്തി മേരി സാത്തി’യുടെ ഫസ്റ്റ് ലുക്ക് പോസ്റ്റര്‍ പുറത്തിറങ്ങി. ആനയോടൊപ്പം നില്‍ക്കുന്ന പോസ്റ്ററാണ് താരം ട്വിറ്ററില്‍ പങ്കുവെച്ചത്. ആനയുടെ സംരക്ഷണവുമായി ബന്ധപ്പെട്ട കഥ പറയുന്ന ചിത്രമാണ് ഹാത്തി മേരി സാത്തി.
പുതുവര്‍ഷത്തില്‍ പുതിയ കഥയുമായി എത്തുകയാണെന്നാണ് റാണ ട്വിറ്ററില്‍ കുറിച്ചത്.

പ്രഭു സോളമനാണ് ചിത്രം സംവിധാനം ചെയ്യുന്നത്‌. ചിത്രത്തിന്റെ ഷൂട്ടിംഗ് ഉടന്‍ തന്നെ തായ്‌ലന്‍ഡില്‍ ആരംഭിക്കും. മനുഷ്യനും മൃഗവും തമ്മിലുള്ള ബന്ധമാണ്‌ ചിത്രത്തിന്റെ പ്രമേയം.