റാണ ദഗ്ഗുബട്ടിയുടെ 'നേനേ രാജു നേനേ മന്ത്രി'യുടെ ടീസറെത്തി

റാണ ദഗ്ഗുബട്ടി നായകനാകുന്ന പുതിയ ചിത്രം നേനേ രാജു നേനേ മന്ത്രിയുടെ ടീസര്‍ അണിയറപ്രവര്‍ത്തകര്‍ പുറത്തു വിട്ടു. പുറത്തിറങ്ങി. തേജയാണ് ചിത്രം സംവിധാനം ചെയ്യുന്നത്. കാജല്‍ അഗര്‍വാളാണ് നായിക. ഒരു രാഷ്ട്രീയക്കാരനായാണ് റാണ ചിത്രത്തിലെത്തുന്നതെന്നാണ് ടീസര്‍ നല്‍കുന്ന സൂചന.



ബാഹുബലിയിലെ വില്ലന്‍ കഥാപാത്രമായ ഭല്ലാലദേവയിലൂടെ പ്രേക്ഷകരുടെ പ്രിയങ്കരനായി മാറിയ താരത്തിന്‍റെ പുതിയ ചിത്രത്തിന്‍റെ ഈ ടീസര്‍ ആരാധകരുടെ പ്രതീക്ഷ വാനോളമുയര്‍ത്തുകയാണ്. ഒരു മിനുറ്റില്‍ താഴെ മാത്രമാണ് ടീസറിന്‍റെ ദൈര്‍ഘ്യം. തേജയും റാണയും ആദ്യമായി ഒന്നിക്കുന്ന ചിത്രമാണ് ഇത്. കാതറീന്‍ തെരേസ, നവദീപ് എന്നിവരും ചിത്രത്തിലുണ്ട്. ഡി.സുരേഷ് ബാബുവാണ് ചിത്രം നിര്‍മിക്കുന്നത്. തെലുങ്ക്, തമിഴ്, മലയാളം, ഹിന്ദി എന്നീ ഭാഷകളിലായാണ് ചിത്രം പ്രദര്‍ശനത്തിനെത്തുക.

Rana Daggubati's new Movie Nene Raju Nene Mantri teaser is out

Baahubali Actor Rana Daggubati's new Movie Nene Raju Nene Mantri teaser is out, Rana Daggubati plays a powerful leader of masses in his next