'രാമന്‍റെ ഏദൻ തോട്ടം': കൺസപ്റ്റ് പ്രൊമോ പുറത്തു വിട്ടു

കൊച്ചി: രഞ്ജിത് ശങ്കര്‍ ഒരുക്കുന്ന പുതിയ ചിത്രമായ രാമന്‍റെ ഏദൻതോട്ടത്തിന്‍റെ കൺസപ്റ്റ് പ്രൊമോ പുറത്തു വിട്ടു. രഞ്ജിത് തന്നെയാണ് പ്രൊമൊ തന്‍റെ ഫേസ്‍‍ബുക്ക് അക്കൗണ്ടിലൂടെ പുറത്തു വിട്ടത്. കുഞ്ചാക്കോ ബോബനാണ് ചിത്രത്തില്‍ രാമനായെത്തുന്നത്. പ്രണയകഥ പറയുന്ന ചിത്രത്തിലെ മറ്റു കഥാപാത്രങ്ങളുടെ വിവരങ്ങൾ ഓരോന്നായി പുറത്തുവിടുമെന്ന് രഞ്ജിത് ശങ്കര്‍ അറിയിച്ചു. രഞ്ജിത്തും ചാക്കോച്ചനും ഒന്നിച്ചിരിക്കുന്ന ചിത്രം ഫേസ്‍‍ബുക്കിലൂടെ പങ്കുവെച്ചു കൊണ്ട് തന്‍റെ പുതിയ ചിത്രത്തില്‍ ചാക്കോച്ചൻ നായകനാകുന്നെന്ന വിവരം സംവിധായകൻ ഇന്നലെ അറിയിച്ചിരുന്നു. ചാക്കോച്ചനും ഈ വിവരം ഔദ്യോഗിക ഫേസ്‍‍ബുക്ക് പേജിലൂടെ ആരാധകരുമായി പങ്കുവെച്ചിട്ടുണ്ട്. ജയസൂര്യ നായകനായ 'പ്രേതം' ആണ് രഞ്ജിത് ശങ്കര്‍ ഇതിനു മുന്‍പ് സംവിധാനം ചെയ്ത് പുറത്തിറക്കിയ ചിത്രം. ഫെബ്രുവരിയിൽ ചിത്രത്തിന്‍റെ ഷൂട്ടിംഗ് തുടങ്ങും.







Ranjith Sankar join hands with Chackochan for the first time for Ramante Edan Thottam; Concept promo is out

Director Ranjith Sankar join hands with Chackochan for the first time for Ramante Edan thottam. Ranjith revieled Concept promo of this movie theough his Facebook Page