രഞ്ജിത്ത് ചിത്രം 'ലീല'യുടെ റിലീസിംഗ് തടയുമെന്ന് വിതരണക്കാരും തിയേറ്റർ ഉടമകളും അറിയിച്ചതോടെ ചിത്രത്തിന്റെ സി.ഡി ഇറക്കുമെന്ന് പറയുകയാണ് സംവിധായകൻ രഞ്ജിത്ത്. തിയറ്ററുകളിൽ 'ലീല' പ്രദർശിപ്പിക്കാതിരിക്കാൻ നിർമ്മാതാക്കളുടെ സംഘടന വിവിധ തിയറ്ററുകളെ സമീപിച്ചിട്ടുണ്ട്. ഏപ്രിലിൽ റിലീസ് ചെയ്യുന്ന തന്റെ ചിത്രം തിയറ്ററുകളിൽ പ്രദർശിപ്പിക്കാൻ അനുമതി നിഷേധിച്ചാൽ പ്രൊഡ്യൂസേഴ്സ് അസ്സോസിയേഷൻ ഓഫീസിന്റെ വാതിൽക്കലുൾപ്പെടെ താൻ ചിത്രത്തിന്റെ സി.ഡി വിൽപ്പന നടത്തുമെന്നും പ്രേക്ഷകരാണ് തന്റെ സിനിമയുടെ ആസ്വാദകരെന്നും രഞ്ജിത്ത് പറയുന്നു.
2015-ന്റെ അവസാനം നിര്മ്മാതാക്കളുടെ സമരത്തിനെ വകവയ്ക്കാതെ ഷൂട്ടിംഗ് തുടര്ന്നതിനാലാണ് ചിത്രത്തിന് വിലക്കേര്പ്പെടുത്തിയിരിക്കുന്നത്. ഉണ്ണി ആറിന്റെ പ്രശസ്തമായ ചെറുകഥയായ 'ലീല' അതേപേരിലാണ് രഞ്ജിത്ത് സിനിമയാക്കുന്നത്. ബിജുമേനോനാണ് കേന്ദ്ര കഥാപാത്രമായ കുട്ടിയപ്പന്റെ വേഷത്തിലെത്തുന്നത്. മോഹൻലാലും ശങ്കർ രാമകൃഷ്ണനുമുൾപ്പെടെയുള്ളവരെ ആദ്യം ലീഡ് റോളിലേക്ക് പരിഗണിച്ചതിനുശേഷമാണ് രഞ്ജിത്ത് ബിജുമേനോനെ നായകനാക്കിയത്. പ്രൊഡ്യൂസേഴ്സ് അസ്സോസിയേഷന്റെ ജനറൽ ബോഡി മീറ്റിംഗിന് ശേഷം ചിത്രത്തിന്റെ റിലീസിങ്ങ് സംബന്ധിച്ച തീരുമാനമെടുക്കാനാവൂ എന്നാണ് അസോസിയേഷൻ പ്രതിനിധി സുരേഷ് കുമാർ പറയുന്നത്.
2015-ന്റെ അവസാനം നിര്മ്മാതാക്കളുടെ സമരത്തിനെ വകവയ്ക്കാതെ ഷൂട്ടിംഗ് തുടര്ന്നതിനാലാണ് ചിത്രത്തിന് വിലക്കേര്പ്പെടുത്തിയിരിക്കുന്നത്. ഉണ്ണി ആറിന്റെ പ്രശസ്തമായ ചെറുകഥയായ 'ലീല' അതേപേരിലാണ് രഞ്ജിത്ത് സിനിമയാക്കുന്നത്. ബിജുമേനോനാണ് കേന്ദ്ര കഥാപാത്രമായ കുട്ടിയപ്പന്റെ വേഷത്തിലെത്തുന്നത്. മോഹൻലാലും ശങ്കർ രാമകൃഷ്ണനുമുൾപ്പെടെയുള്ളവരെ ആദ്യം ലീഡ് റോളിലേക്ക് പരിഗണിച്ചതിനുശേഷമാണ് രഞ്ജിത്ത് ബിജുമേനോനെ നായകനാക്കിയത്. പ്രൊഡ്യൂസേഴ്സ് അസ്സോസിയേഷന്റെ ജനറൽ ബോഡി മീറ്റിംഗിന് ശേഷം ചിത്രത്തിന്റെ റിലീസിങ്ങ് സംബന്ധിച്ച തീരുമാനമെടുക്കാനാവൂ എന്നാണ് അസോസിയേഷൻ പ്രതിനിധി സുരേഷ് കുമാർ പറയുന്നത്.