Also Read: കങ്കണയ്ക്ക് ഇറോട്ടോമാനിയ, ഹൃത്വിക്കിനോട് അമിതമായ ലെെംഗികാസക്തി; അര്‍ണബിന്റെ ചാറ്റില്‍ കങ്കണയെ കുറിച്ച്
സ്റ്റീഫനായി ചിരഞ്ജീവി
തെലുങ്കില്‍ ചിരഞ്ജീവി മോഹന്‍ലാലിന്റെ വേഷത്തില്‍ എത്തുമെന്നത് ആരാധകര്‍ക്ക് ആവേശം പകരുന്ന വാര്‍ത്തയായിരുന്നു. പ്രശസ്ത സംവിധായകന്‍ സുകുമാര്‍ ആണ് തെലുങ്ക് പതിപ്പ് സംവിധാനം ചെയ്യുന്നത്. ചിത്രം നിര്‍മ്മിക്കുന്നത് ആകട്ടെ രാം ചരണ്‍ തേജയും. എന്നാല്‍ ആരാധകരുടെ ഒരു ചോദ്യത്തിന് ഉത്തരം ലഭിച്ചിരുന്നില്ല.
മഞ്ജുവിന് പകരം ആര്?
ആരായിരിക്കും മഞ്ജു അവതരിപ്പിച്ച പ്രിയദര്‍ശിനി രാംദാസിനെ തെലുങ്കില്‍ അവതരിപ്പിക്കുക എന്നാണ് ആരാധകര്‍ക്ക് അറിയേണ്ടത്. ഇതിനോടകം തന്നെ പല താരങ്ങളുടേയും പേരുകള്‍ ഉയര്‍ന്നു വന്നു കഴിഞ്ഞു. മഞ്ജുവിന്റെ വേഷം ചെയ്യാന്‍ സുഹാസിനി, വിജയശാന്തി, ജെനീലിയ ഡിസൂസ, ഖുശ്ബു, രമ്യാ കൃഷ്ണന്‍ തുടങ്ങി നിരവധി നടിമാരെ പരിഗണിച്ചതായി റിപ്പോര്‍ട്ടുകളുണ്ടായിരുന്നു.
ആ വേഷത്തില്‍ നയന്‍താര
എന്നാല്‍ ഇപ്പോള്‍ പുറത്ത് വരുന്ന റിപ്പോര്‍ട്ടുകള്‍ പറയുന്നത് ഈ വേഷത്തില്‍ നയന്‍താര എത്തുമെന്നാണ്. ഇക്കാര്യത്തില്‍ ഔദ്യോഗിക പ്രഖ്യാപനം ഉടനുണ്ടാകുമെന്ന് ഇന്ത്യാ ടുഡെ റിപ്പോര്‍ട്ട് ചെയ്യുന്നു. നേരത്തെ തൃഷയായിരിക്കും പ്രിയദര്‍ശിനി രാംദാസ് ആയി എത്തുകയെന്നും ചില റിപ്പോര്‍ട്ടുകളുണ്ടായിരുന്നു.
Also Read: 'നീയൊക്കെ കൂടി എന്നെ നശിപ്പിക്കും'! പ്രതീക്ഷ നൽകി 'അനുഗ്രഹീതൻ ആന്‍റണി' ട്രെയിലര്‍
നയന്‍താര സമ്മതം മൂളി
നയന്‍താരയെ സംവിധായകന്‍ സമീപിച്ചിരുന്നു. ചിത്രത്തിന്റെ ഭാഗമാകാന്‍ നയന്‍താര സമ്മതിച്ചിട്ടുണ്ടെങ്കിലും ഔദ്യോഗികമായി സ്ഥിരീകരിച്ചിട്ടില്ല. ഇതുവരെ പേരിടാത്ത ചിത്രത്തിന്റെ ഷൂട്ടിംഗ് ജനുവരി 21 മുതല്‍ തുടങ്ങുമെന്നാണ് റിപ്പോര്‍ട്ട്. അതേസമയം, അതേസമയം ലൂസിഫറിന്റെ രണ്ടാം ഭാഗത്തിന് ഒരുങ്ങുകയാണ് പൃഥ്വിരാജും ടീമും.