നിവിന്‍ പോളിയുടെ ആദ്യ തമിഴ് സിനിമ 'റിച്ചി' ടീസർ

യുവതാരം നിവിന്‍ പോളിയുടെ ആദ്യ തമിഴ് സിനിമ റിച്ചിയുടെ ടീസറെത്തി. നിവിൻ ഒരു പ്രൊഫഷണൽ റൌഡിയായാണ് ചിത്രത്തിലെന്നാണ് ടീസറിലുള്ളത്. ഗൗതം രാമചന്ദ്രന്റെ സംവിധാനം ചെയ്ത ചിത്രത്തില്‍ ശ്രദ്ധയും, ലക്ഷ്മി പ്രിയയുമാണ് നായികമാര്‍. തൂത്തുക്കുടിയിലും പരിസരങ്ങളിലുമായി ചിത്രീകരണം പൂര്‍ത്തിയാക്കിയ ചിത്രം നിവിന്റെ ആരാധകരെ ഒട്ടും നിരാശപ്പെടുത്തില്ലെന്നാണ് അണിയറ പ്രവര്‍ത്തകര്‍ നല്‍കുന്ന സൂചന. പ്രകാശ് രാജ്, നട്ടി നടരാജന്‍,മുരുകദാസ്, രാജ് ഭരത് തുടങ്ങി പ്രമുഖരുടെ നീണ്ട നിര തന്നെ ചിത്രത്തിലുണ്ട്.



യെസ് സിനിമ കമ്പനിയുടെ ബാനറില്‍ ആനന്ദ് കുമാര്‍ പയ്യന്നൂര്‍, വിനോദ് ഷൊര്‍ണ്ണൂര്‍ എന്നിവരാണ് ചിത്രത്തിന്റെ നിര്‍മ്മാതാക്കള്‍. പാണ്ടികുമാറാണ് ചിത്രത്തിന്റെ ക്യാമറ നിര്‍വ്വഹിച്ചിരിക്കുന്നത്. 2015ല്‍ പുറത്തിറങ്ങിയ നിവിന്‍ പോളിയുടെ പ്രേമത്തിന് തമിഴ്നാട്ടില്‍ വന്‍ സ്വീകരണമായിരുന്നു. 250 ദിവമാണ് തമിഴ്നാട്ടിലെ തിയേറ്ററുകളില്‍ പ്രേമം പ്രദര്‍ശിപ്പിച്ചത്.പിന്നീട് പുറത്തിറങ്ങിയ നിവിന്‍ പോളിയുടെ ആക്ഷന്‍ ഹീറോ ബിജുവും തമിഴ് പ്രേക്ഷകര്‍ക്കിടയില്‍ ശ്രദ്ധ നേടി.

Richie Teaser
Richie Official Teaser released.