അതിഭീകരം ഇൗ ട്രെയിലർ: 'ദ് റിംഗ്' മൂന്നാം ഭാഗം

ഹോളിവുഡിലെ ഹൊറർ ത്രില്ലറായ ദ് റിംഗ് എന്ന സിനിമയുടെ മൂന്നാം ഭാഗം വരുന്നു. റിംഗ്സ് എന്ന് പേരിട്ടിരിക്കുന്ന സിനിമയുടെ ട്രെയിലർ പുറത്തിറങ്ങി. അതി ഭീകരം തന്നെയാണ് ചിത്രമെന്ന് സസ്പൻസ് നിറഞ്ഞ ട്രെയിലർ വെളിപ്പെടുത്തുന്നു.

1998ൽ ഇറങ്ങിയ ജാപ്പനീസ് ചിത്രമായ "റിങ്കു" വിനെയും അതിന്റെ സോർസ് മെറ്റീരിയൽ ആയ കൊജി സുസ്സുകി യുടെ റിങ്ങ് എന്ന നോവലിനേയും ആസ്പദമാക്കി 2002 ൽ ഗോർ വേർബിൻസ്കി തയ്യാറാക്കിയ ഹൊറർ ചിത്രമാണ് റിംഗ്.

പ്രേതബാധ കൂടിയ ഒരു വിഡിയോ ടേപ്പ് ഒരു പെൺകുട്ടി കാണാൻ ഇടയാകുന്നതും തുടർന്നുണ്ടാകുന്ന നിമിഷങ്ങളുമാണ് റിംഗ്സ് പറയുന്നത്. ജാവിയര്‍ സംവിധാനം ചെയ്യുന്ന ചിത്രത്തിൽ മറ്റിൽഡ ലട്സ് നായികയാകുന്നു. ചിത്രം ഒക്ടോബർ 28ന് തിയറ്ററുകളിലെത്തും.