ബാഹുബലിയില്‍ നിന്ന് ശ്രീദേവിയെ ഒഴിവാക്കിയത് ഭാഗ്യമെന്ന് രാജമൗലി

മികച്ച സംവിധായകന്‍ എന്നതിലുപരി കാര്യങ്ങള്‍ തുറന്നു പറയാന്‍ കാണിക്കുന്ന ആര്‍ജ്ജവമാണ് രാജമൗലിയെ മറ്റു സംവിധായകരില്‍ നിന്ന് വ്യത്യസ്തനാക്കുന്ന ഒരു കാര്യം. ബാഹുബലി 2 ാം ഭാഗത്തില്‍ ശിവകാമിയുടെ റോളിനായി ആദ്യം ശ്രീദേവിയെയായിരുന്നു സമീപിച്ചിരുന്നത്. എന്നാല്‍ പിന്നീട് ആ റോള്‍ രമ്യാ കൃഷ്ണന്‍ ഗംഭീരമാക്കുകയായിരുന്നു.

റോളില്‍ നിന്ന് ശ്രീദേവിയെ തഴഞ്ഞത് ഭാഗ്യമെന്നാണ് രാജമൗലി പറയുന്നത്. ചിത്രത്തിന്‍റെ സ്ക്രിപ്റ്റുമായി ശ്രീദേവിയെ സമീപിച്ചപ്പോള്‍ ഒട്ടേറെ നിബന്ധനകളാണ് അവര്‍ മുന്നോട്ട് വച്ചത്. ദേശീയ തലത്തിലുളള പ്രേക്ഷകരെ മുന്നില്‍ കണ്ടാണ് ശ്രീദേവിയെ ഈ റോളിലേക്ക് രാജമൗലി പരിഗണിക്കുന്നത്. അന്ന് രമ്യ കൃഷ്ണയുമായി താരതമ്യം ചെയ്യുമ്പോള്‍ ഇന്ത്യന്‍ സിനിമയില്‍ താരമൂല്യം ശ്രീദേവിക്കായിരുന്നു.

എന്നാല്‍ ഈ വേഷത്തിനായി ശ്രീദേവി വലിയൊരു തുകയാണ് പ്രതിഫലമായി ആദ്യം ചോദിച്ചത്. ഫൈവ് സ്റ്റാര്‍ ഹോട്ടല്‍ താമസം, ഷൂട്ടിങിനായി മുംബൈയില്‍ നിന്ന് ഹൈദരാബാദിലേക്ക് ബിസിനസ്സ് ക്ലാസ് ടിക്കറ്റ് . കൂടാതെ ബാഹുബലി ഹിന്ദി പതിപ്പിന്റെ ഷെയര്‍ ഇങ്ങനെ ഒട്ടേറെ കാര്യങ്ങളാണ് അവര്‍ ആവശ്യപ്പെട്ടത്. രാജമൗലി പറയുന്നു.

അവരുടെ നിബന്ധനകള്‍ അംഗീകരിച്ചാല്‍ സിനിമ ബഡ്ജറ്റ് കടക്കുമെന്നതിനാലാണ് ഇൗ റോളിലേയ്ക്ക് രമ്യ കൃഷ്ണനെ പരിഗണിക്കുന്നത്. അവര്‍ ആ കഥാപാത്രത്തെ അതിഗംഭീരമാക്കുകയും ചെയ്തു. ശ്രീദേവിയെ ഈ സിനിമയില്‍ നിന്ന് നീക്കാനുള്ള തീരുമാനം ഞങ്ങളുടെ ഭാഗ്യമായി ഇപ്പോള്‍ തോന്നുന്നു. രാജമൗലി പറഞ്ഞു.

S.S. Rajamouli: Lucky that Sridevi rejected the role of Sivagami in ‘Baahubali

S.S. Rajamouli, the creator of sensational film franchise 'Baahubali', is known for his outspoken attitude. Although he usually is all praise for his actors, he was rather critical about a particular Bollywood actress.