'സഹോരെ ബാഹുബലി'…സോങ് പ്രൊമോ ഇറങ്ങി; ഇനി 6 ദിനം

ഇന്ത്യന്‍ സിനിമ ആരാധകര്‍ ഏറെ പ്രതീക്ഷയോടെ കാത്തിരിക്കുന്ന ബ്രഹ്മാണ്ഡ ചിത്രമാണ് രാജമൗലി സംവിധാനം ചെയ്യുന്ന 'ബാഹുബലി'യുടെ രണ്ടാം ഭാഗം ബാഹുബലി ദ കണ്‍ക്ലൂഷന്‍. രാജമൗലി സംവിധാനം ചെയ്യുന്ന ചിത്രത്തിലെ പുതിയ സോങ് പ്രൊമോ ഇറങ്ങി. നായക കഥാപാത്രമായ ബാഹുബലി ആനയുടെ മസ്തകത്തില്‍ നിന്ന് അസ്ത്രം തൊടുക്കുന്നതുൾപ്പെടെയുള്ള ഗംഭീര രംഗങ്ങളുമായാണ് സാഹോരെ ബാഹുബലി പ്രൊമോ രാജമൗലി സോഷ്യല്‍ മീഡിയയിലൂടെ പങ്കുവച്ചിരിക്കുന്നത്. ഇനി ആറുദിനം കൂടിയാണ് ചിത്രത്തിന്‍റെ റിലീസിനായുള്ളത്. ഏപ്രിൽ 28ന് ചിത്രം തിയറ്ററുകളിലെത്തും.




ചിത്രത്തില്‍ അമരേന്ദ്ര ബാഹുബലിയായി പ്രഭാസും ദേവസേനയായി അനുഷ്കയുമാണ് വേഷമിടുന്നത്. ബാഹുബലിയെ കട്ടപ്പ കൊന്നത് എന്തിന് എന്നതിന്റെ ഉത്തരവുമായാണ് ബാഹുബലി ദ കണ്‍ക്ലൂഷന്‍ ഈ വര്‍ഷം തിയേറ്ററുകളില്‍ എത്തുന്നത്. അനുഷ്ക ഷെട്ടിയാണ് ചിത്രത്തില്‍ നായികയായി എത്തുന്നത്. സത്യരാജ്, തമന്ന, രമ്യ ക‍ൃഷ്ണൻ എന്നിവരാണ് ചിത്രത്തിലെ മറ്റ് പ്രധാന കഥാപാത്രങ്ങളാകുന്നത്.

Baahubali Video Song Promo
Saahore Baahubali Video Song Promo.